mandag 29. desember 2008

God jul!!!!

God jul alle saman.



Her har det vore rimeleg stille, men det er fordi eg rett og slett har hatt juleferie. Me har hatt besøk, og vore i besøk, og prøvd å nyta jula fullt ut. Dermed har blogging faktisk vorte nerprioritert, og tid saman med mann, born og familie har hatt fyrsteprioritet;) Men no kikkar eg innom i full fart, for å ynskje God Jul!!!! Eg kjem kanskje til å legge ut nokre fleire bilete frå julehuset, men eg lovar ingen ting. Mor i nabohuset fyller 80, 01.01.09, det skal me feira stort, og me døttre og svigerdøtre har tatt på oss rolla som festarrangørar, så litt travlet vert det vel fram mot den STORE dagen.



Desse bileta er av litt av julekrubba mi. Den er innkjøpt i Jerusalem, men handlaga i Betlehem, der mannen min kjem frå, og eg er kjempeglad i ho. Eg har hatt varierande utgåver av Oliventres krubber opp gjennom åra, men stallen her er heilt unik, og eg har faktisk ikkje sett andre i akkurat denne varianten.

Ungane synes forøvrig det er kjempekjekt å leka med figurane......Bileta har eg tatt med julegåva frå husbonden; eit Pentax speilreflekskamera. Akkurat det som stod øverst på ynskjelista:0)Tuuuuusen takk kjære:) Eg har hatt Pentax speilrefleks før, og no kan eg faktisk bruke dei gamle objektiva og blitsen min på det nye kameraet. Men det er langt att før eg kan bruke alle funksjonane på kameraet, og utnytte det fullt ut. Ein annan ting er at eg er litt usikker på om eg kan ynskje meg anna enn sokkar og smågodt til jul og bursdag i mange år framover......billeg er det jo ikkje med eit slikt kamera, og det ligg i eit heilt anna prisskikte enn det me ligg på til vanleg...........Men eg må tilstå at eg er overmåte nøgd, og gler meg villt og hemningslaust til å utforske kameraet:0)

Då håpar eg de kosar dykk i romjula, og lovar å koma sterkare attende, med kommentarar på dei flotte innlegga dykkar. Juleklem frå oss i To hus tett i tett:0)


lørdag 20. desember 2008

Det nærmar seg.......

Jula rykker satdig nærare, og det er lett å føle at ting veks ein litt over hovudet. Men i år har eg rett og slett bestemt meg for ikkje å la meg stresse!
Kvar gong tanken på alt eg SKULLE ha gjort dukkar opp, nektar eg å gi etter, og ser på alt eg faktisk HAR gjort. Som for eksempel å pynte inngongspartiet;) I tillegg tenker eg at om ikkje alle kakene er i boks (bokstaveleg tala) så vert me sikkert mette likevel. Det er jo ikkje det jula handlar om......



Me har lett for å klaga over kor travelt me har det før jul, og kor mykje me MÅ gjera før der er jul, men det meste vel me jo heilt sjølv....Så som sagt, i år nektar eg å la meg stresse. Kanskje bakar eg litt til, på mandag skal eg vaska så mykje som eg rekk medan ungane er i barnehagen, og resten får vera som det er;) I år skal eg NYTA jula, med eller utan sju sortar og støv i krokane;) Pakkane er nesten i boks, og dei få som er att ordnar eg i dag eller på mandag. Med juletre, dukar og julepynt på plass, senkar nok julefreden seg når pinnekjøtt lukta sprer seg på julaftan. Når far i nabohuset les juleevangeliet, og me alle syng første verset av ; Mitt hjerte alltid vanker, etterpå. Då skal eg la freden senka seg, og huske at det er det som er JUL

Mitt hjerte alltid vanker
i Jesu føderum
Der samles mine tanker.
som i sin hovedsum.
Der er min lengsel hjemme,
der har min tro sin skatt.
Jeg kan deg aldri glemme,
velsignet julenatt.

torsdag 18. desember 2008

Nissefest

I barnehagen er det nissefest i dag. Sidan nisseutstyret her i huset er på eit absolutt lavmål, måtte ho mor ut å handla, og tildeldigvis snubla eg over desse koseleg draktane til 29.- på Rema. Jippi!!!!

Det var stor stas å få ikle seg nissedrakt for å gå i barnehagen, og eg måtte jo berre forevige nissane, mens draktane enno var heile og reine..........Heilt utan å vera forutinntatt må eg sei at dette må vera dei to søtaste nissane eg nokon gong har sett;)

Eg har rett og slett vurdert å setje meg ned for å laga "romjulskort", for eg innser at julekorttoget nok har gått.......men eg må jo dele sjarmtrolla mine med flest mogleg;)


Det har vore stilt inne hos meg nokre dagar, men det har vore aldri så lite travelt.....Mandag nytte eg ein fantastisk julekonsert med Carola, der det var julestemning, og julebodskap i massevis, og i går feira eg min 35. bursdag. Eg er framleis så barnsleg at seg synes bursdag er kjekt, så eg nytta høve til å feira! Så i dag har eg dumpa ned i ein stol, og kosar meg med kaffi og kakerestar.....nam......Ha ein flott dag:0)

søndag 14. desember 2008

Himmlen i min favn

I morgon skal eg på julekonsert med Carola. Eg gler meg noko vanvittig!!!! For meg er den første jule cd`en til Carola synonymt med julestemning. Då eg fekk den som bursdagspresang, fekk eg han overrakt nettopp i Betlehem, framføre fødseleskyrkja der han var innspelt. Når eg høyrer Carola synga den fantastiske vuggesangen; "Himlen i min favn", der Maria undrar seg over kven dette barnet ho held i armane sine verkeleg er, då er eg i Betlehem, under stjernehimmelen. I morgon skal eg pakke ein haug av lommetørkler, og gjere meg klar til å nyte julestemningen live:)

fredag 12. desember 2008

Tutteslutt, pepperkakeby og stovegardiner

Då har eg våga meg inn i blogglandia att. Har gløtta så vidt innom dei foregåande dagane, men skunda meg ut att, i redsel for å verta sitjande fast. Av ein eller anna rar grunn vert ofte dei 5 minutta eg skulle bruka her inne til både 10, 20, og 120 om eg ikkje passar meg, og i desse førjulstider er det mykje som skal gjerast......I dag har eg for eksempel rydda i kjøkenskuffer og skap. Utruleg kjedeleg, men det måtte gjerast, og eg er sååååå fornøgd med å kunna opna skapdørene utan å vera redd for å få noko i hovudet. Så fornøgd, at eg har feira med å henga opp dei nye liftgardinene i stova;)


På onsdag var me jo i Bergen og gav tutten til Gullfiskane. Storebror er over gjennomsnittleg interesert i alt som lever i sjøen/vatnet, så det å kunna gje fiskane tutten syntes han var ganske kult. Me fotograferte, applauderte og roste han opp i skyene, og det rare er at det har gått nesten smertefritt. Han har fellt eit par tårer, og seier av og til at han savnar tutten, men det er det. Hadde eg visst det skulle gått så greit skulle me gjort dette for leeeeenge sidan:)


Pingvinane vart det store høgdepunktet den dagen, og frøken dings sytes det var fantastisk spanande å sjå dei symja forbi.



Etter akvariet tok me turen til pepperkakebyen. Eg har ikkje sett den tidlegare, og eg er storleg imponert. Er du i nærleiken anbefaler eg absolutt eit besøk. Ungane storkoste seg, og var spesielt imponert over toga som køyrde rundt. Er det nokon som kan forklare kvifor tog liksom høyrer jula til forresten??????




Til slutt har eg våga meg til å leggja ut to bilete frå sofakroken vår. Som de ser har eg fått liftgardiner på plass, og er kjempenøgd med det. Dei raude putene kjøpte eg på Skeidar til 50%. Eg såg på dei i sommar, men syntes dei var litt dyre, men no slo eg til. No til jul passar dei jo godt inn, og når eg har lyst på lysare puter flyttar dei opp i den raude sovesofaen på loftsstova. Dei kvite putene de skimtar har eg arva etter ei tante, og har gamle handbroderte putetrekk:) Eg syntes sofakroken vart akkurat passe julete med dei raude putene, djup lilla løpar, kvit asalea og ei skål mandariner. Vil ikkje ta det heilt ut før jula kjem;)


Som de ser av bileta har me akvarium. Det er jo ganske dominerande i stova, men eg synes det er kjempeflott. Me har eit 350.l hjørneakvarium som akkurat no er neste punkt på vaskelista mi. Men å innreie akvarium vert nesten som å innreie eit rom, utruleg kjekt å skape nye landskap. Kanskje det vert eit innlegg ein gong;) Eg skal legge ut fleire bilete frå stova vår når eg har fått opp dei nye gardinene i "spisestovedelen", som faktisk ser ut som ein del av stova etter at kontoret endeleg kom på plass, og når eg har fått flytta pianoet mitt over frå naboen. Det har eg venta på i 3 år, og no skal det endeleg skje:) Ha ei god natt:0)




onsdag 10. desember 2008

Adventsenglar


Fann ein artig konkuranse hos http://moseplassen.blogspot.com/, via Lisemorshage, så no tenkte eg at eg skulle hiva meg med. Eg melder herved adventsstaken min, frå no av døypt; adventsenglar, på konkuransen;) Sidan eg allereie har eit innlegg med adventsstaken, og presentasjon av den, kan de kikka der;)
Ha ein flott dag. Me skal til Bergen, og akvariet der storebror skal donera tutten til gullfiskane:)

søndag 7. desember 2008

Når en pepperkakebaker, baker.........

Då har startskotet gått for julebaksten her i huset. Både store og små koste seg med pepperkake baking i går. Undervegs vart baksten behørig godkjent av dei små bakarane, og julemusikken sørga for at den store bakaren kjende julestemninga så smått koma sigande. Neste laurdag skal bakersvennane bake julemenn:)






Pepparkake formene frå min barndom kom til heder og verdighet att. Litt nostalgi høyrer med til jula.





To boksar i havn. Takk til den som fann opp ferdig deig;) Då gjenstår berre resten;) Ha ei flott veka.


Fleire koselege awardar har funne vegen til meg, og det set eg alltid pris på. Det er så utruleg koseleg, og overraskande, at nokon faktisk set pris på alle strøtankane og kvardagsbetraktningane eg skriblar ned. Tuuuusen takk skal de ha:)


Denne awarden fekk eg for ei stund sidan hos Solveig i http://solveig-minverden.com/ og no gjer eg han vidare til fru Pettersen, den glade familie http://bergsbygdaveien.blogspot.com/. Ein blogg eg nett har oppdaga, men som eg synes er kjempefin og fortener ein award.


Denne bloggen investerer i og tror på NÆRHET- nærhet i rom, tid og forhold!"Disse bloggerne er usedvanlig sjarmerende og søte,og formålet er å finne og å være venner.De er ikke opptatt av utmerkelser og selvhevdelse.Vårt håp er at når båndene på disse utmerkelser er kuttet,vil enda flere vennskap ha forplantet seg.Vær vennlig å gi litt ekstra oppmerksomhet til disse!Gi denne utmerkelsen til åtte bloggere,som igjen må velge seg åtte nye.Inkluder denne teksten på utmerkelsen deres.
Denne fekk eg frå Guttemammas, som eg nemde ovanfor, og eg må velge ut 8 som eg vil gje han vidare til og det må då verta:
http://lisemorshave.blogspot.com/
http://jeanette69.blogspot.com/
http://nettelitas.blogspot.com/
http://denhemmeligehagen-ingridmarie.blogspot.com/
http://detblahjertet.com/
http://tantemimmi.blogspot.com/
http://rosaunivers.blogspot.com/
http://posidriv.blogspot.com/
Alle desse flotte bloggane er verdt eit besøk,



Denne har eg fått av Lise i http://lisemorshave.blogspot.com, og den vil eg gjerne gje vidare til ein av dei første bloggarane eg kom i kontakt med, og ein blog eg alltid gler meg til å kikke innom, nemleg Anette i:
htpp://guttemammas.blogspot.com.

lørdag 6. desember 2008

Ventetid...............

Nå tenner vi lyset.
Hva venter vi på?
Hva fyller oss alle med glede?
Vi venter på Jesus, Han komer fra Gud
med fred til oss alle her nede.

Vi venter, venter, nå kommer Han snart.
Vi venter, venter, er det så rart?
Vi venter, venter når julen er nær.
Vi venter, venter for snart er Han her.
Geir Hegersrøm



Me er midt i ventetida, og mens ungane synes tida sneglar seg avgarde fram mot jul, synes eg dagane rasar av garde i eit voldsomt tempo. Resultatet for min del, er at eg brått har fått ein voldsom ryddetrong. Me har i lengre tid hatt eit rom som skal verta kontor, og i påvente av at dette skal verta ferdig, har stova fungert som kontor. Ikkje særleg koseleg, og hin dagen fann eg ut at NO var tida inne. Eg sette i gong, og etter 2 dagar med intens rydding, har me fått kontor, og eg har fått stova mi att:) Fantastisk kjekt:) I dag er det pepperkakebaking på programmet. Hvis eg finn att kameraet kjem det nok eit bilete eller to. Tusen takk for awardane som har ramla inn i mitt "fråvær". Skal få eit heilt eige innlegg seinare;) Ha ein flott laurdag!

tirsdag 2. desember 2008

Draumen om eit pepparkakehus....

Tenk om pepperkakehuset mitt hadde sett slik ut...............Har sett at det er mange flinke pepperkakebakere i blogglandia, og eg har så lyst på eit skikkeleg fint pepperkake hus. Og det er ikkje det at eg ikkje har prøvd!!!!!! For nokre år sidan, såg eg eit nydeleg pepperkakehus i Allers. Det fulgte med oppskrift, og malar, så eg tenkte : Kor vanskeleg kan det vera?????? Dette kan eg klara! I dei dagar budde eg heime hjå foreldra mine ( no har eg jo flytta laaaangt vekk. Heilt på hi sida av veggen, hi,hi ), og ein dag dei skulle på bytur, og eg hadde fri rigga eg meg til. Pepperkakedeigen vart laga, malane skorne ut, og eg sette i gong. Deigen vart seig og fin, og eg kjevla lukkeleg medan julemusikken tona ut i rommet. Dette var då ingen sak tenkte eg, la på malane og skar ut. Då var det berre å løfta dei over på bakeplata. Svupp sa det i det eg letta dei opp frå bordet, og dei fine, beine veggene var brått skeive, og mykje mindre enn dei var i stad. Eg beit tenna saman og fortsette. For kvar del eg letta frå bordplata, var det mindre og mindre som minna om eit pepperkakehus.
Blodtrykket steig til svimlande høgder, og deigem stod i fare for å enda i veggen opp til fleire gonger. Julemusikken vart mindre og mindre koseleg etterkvart som temperaturen steig i rommet. Til slutt var det lite som minna om julestemning på kjøkenet : &%¤#"&&%¤%#### pepperkaker!!!!!
Til slutt gav eg opp å prøve å få beine vegger og tak. Her var det berre å bite tennene saman og prøve å redde stumpane. Likna det på ein vegg fekk det halda!! Delene vart steikte, huset limt saman, og pynta etter alle kunstens reglar, utan at det hjalp særleg på sluttresultatet. Huset var ubeskriveleg skeivt og stygt. Eg sette det på eit brett ut i gangen og tok fatt på oppryddinga. Seinare på dagen kom niesa mi innom, ho var vel då ca 6 år, og den brutalt ærlege komentaren hennar var: "Da e da styggaste pepperkakehuset eg har sett! Kim e da so har laga da????" Tanto måtte jo berre innrømma at det var ho som var syndaren. Huset havna på loftet til det var tid for å hiva det. Etter dette har pepperakehusa hos meg vorte innkjøpt frå Rema, og så legg me heller hjarte og sjel i pyntinga. Men kanskje ein gong skal eg prøve igjen. Må berre sørge for at ungane er ute av huset, for eg garanterer ikkje for barnevenleg atmosfære under prosessen;)
Ha ein flott dag, og kos dykk med juleforbereiingane:0)
Bileta har eg lånt frå google.

lørdag 29. november 2008

Advent

Då har me endeleg kome til første sundag i advent. Eg ventar alltid med å pynte, lytte til julemusikk og ete diverse juleprodukter til me anten skriv 1. desember eller første sundag i advent. Så i frå og med i morgon, er jula på rask innmarsj i huset her. Dei første teikna har allereide dukka opp. Stjerne og adventsstake i vindauga, lilla løparar på bordet, og sjølvsagt min heimelaga adventsstake på spisebordet. I mange år har eg laga ein adventsstake med, mose, englar julestjerner og lilla lys, men i år hadde eg lyst til å fornye meg litt. Eg har lete meg inspirera av kvite kubbelys, og adventstall, og i år ville eg prøva det. Men eit par englar måtte eg ha med likevel.
Denne stor kvite passa jo godt inn, og den litle Luciaterna måtte eg og ha med. Luciaterna har ein heilt spesiell historie. Ei av niesene mine har Downs syndrom, og eit år, ikkje så mange år etter ho vart fødd, fann mora hennar og eg nokre slike figurar, og me syntes dei hadde typiske Downs trekk ; breie, flate naser, breie hender og litt skrå auge. Me var jo nødt til å ha med oss kvar vår heim;) Sidan den tid har figuren hatt fast plass i adventsdekorasjonen min, og det må vera minst 10 år sidan ho vart innkjøpt.



Tala har eg kjøpt på Kremmerhuset. Eg hadde eigentleg sett meg ut nokre nydeleg tal få Annas rom, men sidan eg ikkje skulle ha noko anna der, og portoen var nesten det dobbelte av prisen for tala, vart det desse i staden. Mosen har eg henta i hagen i ausregn i dag, og sviblane kjøpte eg på Plantasjen, men det var berre så vidt det vart kvite julestjerner på meg. Plantasjen hadde ingen, og berre tilfeldigvis fann eg 2 på Ica maxi, blandt alle dei raude:) I morgon skal første lyset tennas, og så er det berre å venta på jula:)

fredag 28. november 2008

Julekjolen i boks:)

Sjå kor fin!!!!!!! Eg har hatt lyst på ei fin kåpe til frøken dings sidan ho var fødd trur eg, men synes ho har vore for lita fram til no. Men i går slo eg til. På ein av favoritt butikkane mine fann eg denne nydelege kåpa - til halv pris! Eg måtte jo slå til, men kjøpte ho stor, så ho held ei stund. På samme butikken fann eg endeleg julekjolen til frøken dings. Eg har leita ei stund, men har ikkje heilt funne noko eg verkeleg har likt, men denne syntes eg var nydeleg. På blusen er det små rosa og raude hjarter på kragen, små hjarteforma knappar, og ein holsaum på kvar side av knappestolpen.
Jammen fann eg skjorte og genser til storebror og, så då manglar eg berre bukse til storebror, så er juleklærne i boks. Skal ut ein tur i morgon og prøve å finne ei mørkebrun cordfløyelsbukse.



Dei kjem til å verta såååååå fine. Eg gler meg til å sjå antrekka på. Det beste med gårsdagens fangst var at alt var til halv pris:) Eg har nemleg ei grense for kor mykje eg likar å bruke på klær som vert for små alt for fort, så ofte når eg finn noko eg likar, synes eg det er litt for dyrt, men 1000,- kr for kåpe, kjole, bluse, skjorte og genser synes eg var akseptabelt:) Eg fekk og unnagjort ein heil del på gåvelista mi, så no føler eg at ting er under kontroll. Skal ha ein dag i neste veke, og ordne resten når ungane er i barnehagen og eg har fri. I morgon skal eg ut og kjøpe kvite minijulestjerner, kubbelys og litt oasis til adventsstaken min. Skal bli kjekt å byrja og adventspynta:0)

torsdag 27. november 2008

November

Hos oss er det skikkeleg Novemberver i dag. Det bles og regnar, og vert liksom aldri heilt lyst, men hos oss er det sommar likevel. Storebror er fortsatt sjuk, og no surrar og går "Vi på Saltkråkan" på DVD spelaren. Kjempekoseleg serie som eg er veldig glad i, og på Saltkråkan er det alltid sol og sommar - nesten i alle fall.
Så sjølv om illustrasjonen over ikkje er heilt betegnande, me manglar katten og storesystera, så er det nesten sånn. Vått, surt og kaldt ute, og varmt og koseleg inne. Illustrasjonane er henta frå ei gamal Elsa Beskow bok eg fekk då eg var liten: "Årets saga". Kjempeflotte illustrasjonar, og artige dikt om årstidene. Og snart er det jul.

Difor, når husbonden kjem heim om ein liten time, overtar han hus og ungar, og så reiser eg og svigerinna mi på julepresanghandel. Lista er klar, og eg håpar å vera ferdig med det meste etterpå. Det vil i så tilfelle vera ny rekord for meg. Eg er alltid seint ute med dei siste innkjøpa før jul, men forhåpentlegvis ikkje i år:) Ha ein fortsatt god dag.


onsdag 26. november 2008

To molly with love...........og ein award!

Dette hjarta er ei sympatierklæring til Molly: http://meandmolly.blogspot.com/ Eg vonar dagen i dag er betre enn dagen i går for deg Molly. Stå på!!!!!! Hjarta kan og vera ei påminning om at me må verta flinkare til å visa at me set pris på kvarandre. Det kan ikkje seiast for ofte:)
Solveig i http://solveig-minverden.blogspot.com/ viser stadig at ho set pris på andre, og denne gongen hamna denne koselege awarden hos meg. Tuuuuuuuusen takk! Eg skal nok gje han vidare, men må berre tenka litt først;) Ha ein flott dag.

tirsdag 25. november 2008

Ut på tur....forts

Neste morgon vakna eg og følte meg ikkje særleg oppegåande, men eg tenkte at ein god dusj, og eit par Paracet ville nok gjera susen, så eg stod opp og åt frukost, og vart med inn på messa saman med husbonden. Ein frå firmaet han jobbar for kom og henta oss, og køyrde oss inn. Etter ein og ein halv time hadde eg fått nok, og fekk meg ein taxi attende til hotellet, krøyp under dyna, og vart der resten av dagen....................Ikkje heilt slik eg hadde tenkt meg det, men eg konkluderte med at det trass alt ikkje var så verst. Eg hadde ingen andre enn meg sjølv å ta hensyn til, roomservice dukka opp med mat og drikke når eg måtte føle for det, og eg hadde med meg ei god bok eg kunne lese i når eg måtte få lyst til det. Bilete ovanfor er lunchen min den dagen. Slett ikkje verst. I løpet av dagen ringte mobilen. Det var frå barnehagen, storebror hadde fått feber, og dei hadde gløymt å få nummeret til besteforeldra, om eg kunne få dei til å henta han...........Det ordna eg sjølvsagt, og sjølv om mammo helst ville tatt seg av guten sin sjølv, var det godt å ikkje trenge å ta hand om andre enn seg sjølv............
På badet hadde dei dette søte stativet med såper, som vart fylt på kvar dag. Syntes det var ganske så fin variant. Har sett litt ymse på ulike hoteller, og sidan dette var sigthseeingen min den dagen var det best å forevige dei;)


Framom toalettet hang det ein telefon.........litt usikker på kva anledningar dei hadde tenkt me skulle bruka den, men det kan jo vera praktisk når ein går tom for dopapir.........


Dette er utsikten frå balkongen vår. Hotellet låg litt oppe i fjellet nord for Athen. Ein nydeleg plass som nesten ingen Taxisjåførar visste kvar var. #%&%¤#"""&&%. Taxisjåførane i Athen er forsovidt eit kapitel for seg sjølv. Anten gadd dei ikkje stoppa i det heile, når me vinka på dei, ellers så visste dei ikkje kvar dette var, eller det var for langt vekke, eller.........Laurdag kreka eg meg ut på eit kjøpesenter for å kjøpe presangar til ungane. Kunne jo ikkje koma heim utan, men eg gav opp ganske snart og ville berre attende til senga på hotellet. Etter å ha prøvd å få taxi i 2!!!!!!!!! timar, kom mannen og henta meg. Då bar det rett til legen, som kikka meg i halsen, rygga bakover og okka og oia seg over alt belegget, og alle streptokokkane som budde i halsen min. Han skreiv ut ymse diverse sortar medisin, og etter å ha lagt att 80! euro på apoteket kunne me vandra ut med ein berepose medisiner.



Etter å ha inntatt ein coctail av piller, var eg med ut på ein utruleg koseleg forretningsmiddag, der me fekk servert t-bein steik og biffar på størrelse med elefantar. Knallgodt, men det var litt begsrensa kor mykje eg fekk ned. Alt i alt ein svært annleis tur enn det me hadde tenkt, men eg angrar ikkje på at me reiste. Som sagt så kunne eg pleia meg sjølv utan å tenkje på nokon andre, og det er jo ein sjeldan luksus for ei småbarnsmor;)
Då me kom heim var batteriet på bilen flatt, så me fekk ikkje start, og dagen derpå starta med at frøken dings spydde i senga, og etterpå var det rett til legen med storebror............Så no er altså 3 av 4 på antibiotika, for frøken dings var ferdig med sin kur i går;) Herretter reknar me med at det berre gåt oppover, så no gler me oss til jul. Neste innlegg skal IKKJE innehalde sjukdom, berre juleforberreiingar - trur eg..........Ha ei god natt:)



Ut på tur, aldri sur:)

Då var det på tide med ein aldri så liten rapport frå det store utland. Som eg nemde i går, så vart ikkje turen til Athen akkurat som planlagt, men alt i alt så var det ikkje så verst. Først var det jo alt styret med å komma seg avgarde. Skal - skal ikkje, skal - skal ikkje.....Dette pågjekk ei stund før me landa onsdags formiddag på SKAL. Då var det berre å hiva seg rundt i ein viss fart, for me hadde ikkje så mange timane å gjera alt på, før ferja gjekk, men me kom oss avgarde utan å gløyma meir enn hårvoksen min. Trass alt ikkje det verste å reisa i frå;) No må eg tilstå at eg har eit snev av flyskrekk, så det var ikkje fritt for at eg var noko nervøs. Eg går alltid rundt og er sikker på at akkurat det flyet eg er med i, kjem til å ramla ner, og at eg ikkje kjem heim att. Oppe i hovudet mitt gjekk dette så lang denne gongen, at eg var litt bekymra for at me ikkje hadde laga noko skriftleg på kven som skulle ta seg av ungane dersom me ikkje kom att. Turen til Amsterdam gjekk greit, men til Athen var det litt turbulens, så då bestemte eg meg for at berre eg kom heim att, skulle eg aldri meir fly!!!!! Har forsovidt ombestemt meg att, for me kom jo trygt heim denne gongen og..............Eg meinar at flykapteinen burde annonsere over høgtaleranlegget kvar gong han skal forandre lyd i motoren. "Dette er kapteinen, nå skal vi legge oss litt lavere, og det vil derfor oppstå en endring i motorlyden, men dette er helt normalt, og skyldes ikke akutt motorsvikt." Då hadde sånne som meg sluppe å studera flyvertinnene for å sjå om dei ser ut som om panikken er i ferd med å innhenta dei, eller om dei berre leitar etter fleire kaffikoppar. I taxien på veg til hotellet slo det meg at faren sikkert var større for at noko skulle skje når sjåføren la inn hotelladressa på GPS`n mens han køyrde på motorvegen, enn når me var ute og flaug, men alt er liksom tryggare når me berre befinn oss på landjorda...... Første dagen koste me oss i Athen. Rusla rundt i gatene, og lot oss facinera av korleis det dukka opp gamle små kyrkjer midt inne i sentrum, mellom høge betongklossar. Framom ein av dei sat denne nydelege gamle kona.
Eg synes ansikt som viser levd liv er så flott. Og denne gamle kona var full av liv, og med glimt i auga. I redsel for eit "oppstilt" bilete dersom eg spurde om lov, sneik eg med til å fotogarfera ho. Har dårlege erfaringar med at folk stivnar, og tek på seg ei maske dersom dei veit at dei vert fotograferte.

Denne floristen syntes eg og var så sjarmerande, at eg måtte ha eit bilete av han, der han stod og pusla med rosene sine. Eg elskar blomebutikkane rundt i middelhavslanda. Alle dei flotte fargane, og dei nydelege bukettane. Skulle berre kunna kjøpt med meg heim.




Me hadde oss ein tur i eit "Totto tog" som ungane kallar det. Eit lite dieseldrive turisttog som køyrde oss rundt i gatene i Athen, og opp til Akropolis, medan guiden annonserte severdighetane me passerte. Guiden snakka så utydeleg, og med så sterk aksent, at eg forstod svært lite. Ein gong toget strevde seg opp ein bratt bakke, kunne eg ha sverga på at ho sa : "Du har no lagt på deg 6 kilo." Med tanke på den store, deilige lunchen me hadde ete kunne det forsovidt stemma, men av ein eller anna grunn trur eg det var noko anna ho sa..........Då turen var ferdig var baken øm etter all ristinga, og det føltes som om alle invollane hadde skifta plass minst ein gong.

Tanken var at eg skulle inn til Athen att dagen etter medan husbonden var på messa, og då skulle eg gå på Akropolis, og ta meg ein shoppingrunde. Den gong ei............................Heile dagen hadde eg kjent på sår hals, og vondt i hovudet, men med inntak av Paracet og Ibux med jevne mellomrom gjekk det heilt fint, men i neste innlegg skal eg visa kva eg fekk sett dagen etter. (Fekk nemleg ikkje til å legga inn fleire bilete i dette innlegget)




mandag 24. november 2008

Heime att!


Kikkar eigentleg berre innom for å sei at det er liv i oss enno:) Me hadde ein fin, men noko annleis tur enn den me planla, men det skal eg prøva å få sagt noko om i morgon.............
Tusen takk for dei koselege komentarane som låg og venta, gler meg til å kikka innom hos dåke alle. Har ikkje fått gjort det enno, då dagen i dag har gått med til å tørka spy, og gå til lege. Pr. i dag er 3 av 4 i huset på antibiotika, så alt er som før. Knis.....Kan jo ikkje anna enn å le heller, og tenkjer som så at no har vel me hatt vår dose, så treng eg ikkje bekymra meg for det før jul;) Ha ein fin kveld, me sjåast i morgon.

onsdag 19. november 2008

Då reise me:)


Husbonden var på legevakta i går, og då fekk han ny beksjed: Halsbetennelse, og dermed antibiotika. Resultatet er at han føler seg mykje betre, så me tek sjangsen og set oss på flyet i kveld. Det betyr at eg driv med litt panikkrydding, og pakking av våte kler som eg ikkje har rukke og tørka............Husbonden er avgarde og skiftar dekk på bilen, for det er fare for at det er snø når me kjem att. Værmeldinga for Aten seier sol og 20 grader!!!!!! Fyldig rapport kjem når me er attende. God veka/helg:)