to hus tett i tett.......

Lukke……………….

2011-10-02T13:20:00.001+02:00

…..er å koma heim med eit nytt tilskot til familien.

Vår flotte vesle keisar kom til verda 6 veker før tida 10.09.2011.

Stolte storesøsken, og takknemlege foreldre kosar seg med gullet.

Mens me ventar………

2011-09-08T11:54:00.001+02:00

……..har eg strikka litt. Eg har snart tilbrakt mesteparten av 3 mnd i sofakroken. Treng ikkje ligge heile tida, men må ta det veldig med ro. Dermed har eg for fyrste gong i mitt liv strikka eit heilt sett!!!!

Eg er i grunnen ganske stolt av meg sjølv……..Diverre vert det ei stund før me kan ta det i bruk. Eg har strikka str 3-6 mnd for å vera sikker på at eg skulle verta ferdig. No visar det seg at knøttet skal ut seinast om ca 3 veker, nærare 4 veker før termin, så då tar det nok ei stund før han veks inn i dette settet. Eg må tilstå at eg gler meg til alt er over. Guten veks og har det berre bra, men etter ein støkk for 14 dagar sidan, der eg vart sendt med blålys til næraste større sjukehus, og måtte vera klar til KS, kjenner eg at det har vore nok spenning for ei stund. I dag kan eg krysse av for 34 fullgåtte veker, så no er det ikkje krise om han kjem. I morgon er det kontroll, og fastsetting av dato for KS. Spennande.

Sidan sist har storebror vorte skulegut. Etter ein heller laber start har skulen no vorte ganske ok. Rart å tenke på kor stor han har blitt.

Ha ei flott veke:)

Gratulerer med overstått

2011-08-14T22:05:00.001+02:00

Prinsessa i familien har fylt 5 år i sommar. Bakdelen med å ha bursdag midt i fellesferien er at alle er vekkreist. Fordelen er at ein får feira i mange omgangar. No i helga var det selskap for barnehage veninnene, og familieselskap for dei av familien som ikkje var heima på dagen.

Mammo laga fekake, og jenta fekk pynta seg i yndlingskjolen. Blomsten i håret kom i eine pakken, og har knapt nok forlatt håret etterpå. Utruleg at det er 5 år sidan denne smilande, energibunten kom til verda. Det vert spanande å sjå korleis ho taklar rolla som storesøster. Foreløpig får magen kos og klem kvar dag,og no er det berre ca 8 veker att til broremannen kjem – spennande.

Ha ei flott veke alle saman.

Uforståeleg

2011-07-22T21:19:00.001+02:00

Bilete lånt frå Google

I dag vil eg berre utrykkje medkjennsle med alle dei som er berørt av tragedien i Oslo. Vårt vesle land skakar i grunnvollane i dag, og eg føler meg hjelpelaus. Må me ikkje la oss oppsluke av hat, men jobbe for ei fredleg verd.

Pauseinnslag

2011-07-01T20:21:00.001+02:00

Det er nemleg det dette er. Livet står liksom litt på pause, samstundes som det går framover akkurat som det pleier. Eg har nemleg fått beskjed om å berre “ruge” framover. Kan ha forholdsvis normal aktivitet, bortsett frå at eg ikkje skal både det eine og det andre. Dermed vert det litt begrensa kva eg egentlig kan gjer. I tillegg kan eg ikkje fly, og skal ikkje vera lenger vekke frå næraste sjukehus enn max 2 timar. Altså vert det ikkje den store feriesommaren i år, men hytta ligg berre 50 min frå sjukehus, så dit kan eg i alle fall reise.

Eg har funne ut at dette er ein glimrande anleding til å lime bilete inn i album, så alle scrappesakene er henta ned frå loftet (ikkje av meg), og håpet er at til knøttet gjer sin entre`har frk dings og storebror fått sine eigne album. Det er jo lov og håpe……..;)

Ha ein flott sommar. Eg kryssar fingrar for at sola snart dukkar opp, slik at eg får følelsen av at det faktisk ER sommar…

Flisespikkeri

2011-05-21T19:36:00.001+02:00

Lova for ein halv evighet sidan at eg skulle visa dykk flisene til Leiligheten i Beit Jala, så her kjem eit lite glimt av flisene til hovedbadet.

Har ein draum om at leiligheten skal verta ein blanding av midtausten og noreg, litt tradisjonelt og litt gamaldags. På badegolvet vert det difor store beige fliser, der ein del vil vera mosaikk fliser. Me har valgt store rektangulære kvite fliser til veggene, men ein vegg vert mørkegrå fliser med svart mønster i høgglans. Det er dei flisene som er bakgrunnen på kollasjen. Badekaret vart sjølvsagt med løveføter og kranerog dusj vert i god gamaldags utføring.

Servantskapet vert som på biletet over, berre i kvitt, i dobbel utgave med to servantar. Det vert heil plate oppå, og servanten står oppå plata. Altså som på biletet, berre heilt annleis;)

Det skal seiast at flisene til heile leiligheten vart vald på 2 timar, så eg håpar me ikkje angrar. Må og nevna at dei syntes at den norske dama var litt rar. Kvifor i all verda skulle me ha mosaikkfliser på badet, og ikkje i gangen? Det er jo ingen som ser dei på badet!!! Og ein heil vegg med svarte fliser???? Må nevnast at 90% av alle bad der nede er fullstendig BEIGE med litt innslag av gull og glitter. Sa du kulturkræsj???

Skal sjå om eg får somla meg til å visa dykk tankane om kjøkenet. Kan kanskje trenga litt innspel;)

Ha ei flott helg:0)

Favoritt!!!

2011-05-20T20:19:00.001+02:00

Akkurat no er det dette som gjeld:

Frisk frukt med Vaniljekesam….mmmmmmmmmmmmm….. For anledningen til og med i rødt, kvitt og blått;)

Gler meg til å nyta herligheten til semifinalen i Norske talenter.

God helg:0)

Borte, borte, tittei…………

2011-05-10T21:11:00.001+02:00

Bilde lånt frå Google

Då kikkar eg forsiktig inn i bloglandia att. Har vore vekke leeeeeeeeenge, utan særleg anna årsak enn total blogsperre. Faktisk så ille at eg knapt nok har lese andre sine bloggar. Men i det siste har eg kjent på lysten til å blogge att, og om eg kanskje ikkje oppdaterer veeeeldig ofte så håpar eg å kikke innom i ny og ne;) Tusen takk til Guttemamma som til og med har etterlyst meg. Så koseleg at nokon faktisk har savna meg.

Her har det skjedd litt sia sist. Ny sofa er på plass, og stova vart såååå fin:0) Berre sjå:

Alle i familien er storfornøgde med nyanskaffelsen, som storebror sa; Me har mjuk sofa!!! Fort gløymde me at det faktisk tok 5 mnd frå me bestillte til sofaen ankom, men den som ventar på noko godt……..

Ellers så har storebror fylt 6, og vore på bli kjent dagar på skulen, og møtt både lærar og klassen han skal gå i. STOR stas! Frk. dings teller ned til sin 5 års dag i Juli, og begge to er svært opptatt av familiens nyaste tilskot, som foreløpig befinn seg i mamma sin mage, og er venta å gjera sin entre i Oktober;)

Då er statusrapport avgitt, og så håpar eg sjølvsagt å vera attende før de anar;)

Ha ei flott veke:0)

Forventning

2010-12-07T12:52:00.001+01:00

Vakrare morgonar enn dei som er no, trur eg ikkje finnest. På veg til barnehagen paserar me “Kyrkjeberget”. Slik har det sett ut nesten kvar dag i lengre tid, og ein morgon måtte ungane venta i bilen, slik at ho mor fekk ta bilete.

Svanane synes nok det kan verta litt kaldt, og ventar trufast på nokon som kan gje dei litt mat.

Dette kvite frostlandskapet fyller meg med glede,og eg kjenner julestemninga koma sigande. Kor godt det er å ha tid til å glede seg til jul- å kjenne forventnig…..

“ Forventning -

Det er den litt kilne følelsen rett før. Alltid FØR. Før dører åpnes eller selskapet begynner. Det rare suget i maven ved et uåpnet brev, – en pakke……. eller en reise. Bølgende knær like før HAN kommer til middag. Skrekk og fryd på en gang. Bare en ørliten kikk gjennom dørsprekken bryter fortryllelsen. Da er FØR allerede NÅ…….. og jeg må hive meg ut i selve livet.” Iben Sandemose 2001

Nyt førjulstida:) Ta deg tid til å stoppe opp og kjenne på forventninga før augneblinken er over:)

Ting skjer…….

2010-11-23T13:37:00.001+01:00

Lenge har eg hatt lyst tilå gjera noko med stova mi, og sakte men sikkert er forandringa i gang. Akvariet har fått ein ny heim hjå ei venninne av meg, og no er kroken min, som såg slik ut, sånn:

Stova har lysna veldig,og pengane for akvariet og eit eventuelt salg av sofaen vår, vert lagt i ein ny modulsofa i ein eller nyanse av grått. Då vert det hjørnesalong; 3+ hjørne+ 3+ sjeselong. På torsdag skal me avgarde og kikke litt,og kanskje………

I tillegg har eg ein spisestovedel med mykje hyller og vitrineskap i bøk, som eg og ynskjer å bytta ut. Helst i ein heilt enkel kvit vitrine,og kvit lav skjenk med skap og skuffer. Det samlar seg så mykje rot i dei opne hyllene, som eg har lyst til å få vekk. Dei eksisterande Billyseksjonane frå IKEA skal få flytta inn i hobbyrommet, og ned under trappa der ungane kan fylla hyllene med sine spel og bøker.

For litt inspirasjon kjøpte eg meg eit heilt nytt lekkert interiørblad:

Faktisk så bra at eg bestilte meg eit abonement:0) Ser du kva det står på???? Eg har fått pianoet mitt i hus! HURRA!!!! Endeleg etter mange år i pensjon hos mor og far i nabohuset, er det komen heim. Iherdig øving på Til Elise er allereie i gong;) Over pianoet har me hengt TV`n,men bilete av stasen får venta, for foreløpig heng ledningane og sleng, og DVD`ane er stabla på sida;)

Ha ein flott ettermiddag:0)

Lukke

2010-11-09T22:57:00.001+01:00

Me ha vore på 4 års kontroll, og frk. dings var svært så blid, og prata i vei.

Helsesøster: “ Eg høyrer du kan mange ord, og det er bra for då kan du seie korleis du har det, om du er trist eller glad. Er du glad av og til?”

Frk dings tenkte seg litt om og svarte :” Eg er alltid glad eg.”

Fisketur

2010-10-12T23:22:00.001+02:00

På fisketur i bekken med makkespann og fiskeveske.

Vera med og agna kroken, og koma stolt attende med fangst.

Heldige me som har “bonusbesteforeldre”:0) Takk tante og onkel for ein koseleg ettermiddag.

Velkommen til oss:)

2010-10-11T11:01:00.001+02:00

Foreløpig er det ikkje så mykje å ønske velkommen til, men kanskje til neste haust????? Neste haustferie håpar eg me tilbringer i eigen leilighet i Beit Jala.

Dette er trappa ned til inngangspartiet vårt. “Halvmuren” mellom søylene har me fått fjerna til stor forundring for bygningsfolket. Vindauga innafor er nemleg inn til soverommet, så her burde det absolutt vera eit skille meinte dei. Gje oss god plass til møblar, stæsj og kanskje nokre oliventrer, tenkte mor, og sidan husbonden var enig er muren no historie:0)

I tillegg er den smale tarmen bort til inngangspartiet blitt utvida, og er like brei som muren de ser i høgre bildekant. Så no har me god plass til å nyyyyte grilling og seine kveldar.

Her står fotografen med ryggen til inngangsdøra og ser inn i kjøkkenet rett fram, og stova inn til høgre. (Med den blå bøtta) Det kjem opp ein vegg mellom den veggen bygningsfolka støttar seg på, og den “søyla” mor i nabohuset står framføre.

Frk. dings og storebror utforskar territoriet, og fann bassenget dei blanda betongen i særs interesant. For dei som lurar, skal det ikkje vera der i framtida, sjølv om det kunne vorte ei fin lita fontene;)

Her ser me mot inngangsdøra, stova til venstre. Eg håpar me kan få plass til ein lekker skyvedørsgarderobe frå IKEA mellomvindauga og veggen. Kjem litt an på djupna……Til og med husbonden har vorte så skandinavisk at han ynskjer sko og jakke fri sone innomhus……;) Og IKEA finst til og med her….I Tel Aviv ca 1 times køyring vekke.

Eigentleg er dette ein DIGER leilighet på over 300 kvadrat,men me deler den i to, og leiger vekk eine delen. Dermed kjem det opp ein vegg mellom “søyla” og den originale kjøkenveggen slik at buen til høgre i biletet er inne i den andre leiligheten. Kjøkkenet vert då på den veggen som kjem opp, og så vert det spisestova inn i høgre biletkant,som då er rommet på biletet under.

Vindauga husbonden og arbeidsfolka står framføre vert gjordt om til ei dobbel skyvedør i glas, med ein liten balkong utanfor, og utsikta ser de på biletet under. Panoramautsikt over Beit Jala, og Betlehem.

Midt i biletet ser de eit "kulturhus” som opna medan me var der nede, og bakom det ligg det ein liten park med leikeplass for ungane. På sida av kulturhuset vert det no bygd hotell, den store opne plassen vert ballplass, og ved sidan av ballplassen vert det symjebasseng. Alt er innan gåavstand frå leiligheta. Verken fine leikeplassar, parkar eller basseng veks på tre i dette området, så me er kjempeheldige. Svigers bur i same veg som kulturhuset berre litt utanfor høgre biletkant.

Soverom og bad er ikkje så interesant å vise fram, men snart skal de få sjå flisene me har plukka ut, og baderomsinnredning og kanskje draumekjøkenet……….;)

Ha ein flott dag. Me skal ut å fiske aure i bekken:0)

Framleis her;)

2010-10-06T22:20:00.001+02:00

Priveligerte er me som kan reise til familie i Palestina. 3 veker hos svigers i Beit Jala, 1km frå Betlehem, der ungane fekk nyplukka druer, fiken og Granateple frå naboen sin hage.

Spanande og eksotisk for både store og små:0)

I framtida vert det nok hyppigare besøk, då me har kjøpt oss leilighet der nede. So langt er det berre betongveggar og golv,men fliser og baderomsinventar er bestilt……Skal vise bilete om litt;)

Ha ei flott veke.

Klem

Eit glimt av sommar

2010-07-07T22:07:00.001+02:00

Må berre dela litt av hagen min med dykk. Ein hage full av gamle roser og Peonar er draumen, og litt er på plass.

Det er første året Peonane mine verkeleg blømer, og eg får rett og slett ikkje nok.

Det øverste bilete er av rosa under, som kjem frå hagen ved somarhuset vårt. Nyyyydeleg rose med fantastisk lukt.

Eg var så heldig og vinne jubileumskonkuransen inne hos Rosa , og her om dagen ramla ein kjempekoseleg pakke ned i postkassen.

Tuuusen takk. Eg vart SÅ glad, og kokeboka skal få bu i sommarhuset vårt, medan skåla allerede har fått plass på bordet:)

Ellers så må eg be om ei audmjuk unskulding til alle eg skulle ha vore innom, men ikkje har besøkt. Eg lovar eg skal verta flinkare når ting fell litt meir på plass…………Ha tolmod med meg;)

Ha ei flott veke:0)

La humla suse…..

2010-06-23T14:02:00.001+02:00

…………var forsåvidt det eg gjorde i formiddag. Skulle sitte inne og skrive forretningsplan, men i staden gjorde eg dette:

…tok kamera med meg……………….

……rusla ut i hagen………..

……………fann den nydelege rosebusken full av travle humler……….

….og knipsa i veg…………

No skal eg ta meg saman og skrive litt……….

…..humla har sust vidare. Hugs å stoppe opp, lukte på rosene og la humla suse innimellom:)

Junidraum.

2010-06-21T21:46:00.001+02:00

Denne helga har me tilbrakt i midt private paradis på hytta. Ingen ting for meg er meir sommar enn det å gå den smale vegen ned til sjøen, medan sola skin og lukta av salt sjø kitlar i nasa. Når me kjem til det siste stykket ser me nausttaka og sjøen innrama av grøne trær. Å få gje dette vidare til ungane mine, er eit privelegium.

Bortsett frå å slå plenen – som er stooooooor- gjorde me ingen ting anna enn å kosa oss og nyta livet;) Hærleg:) Lurer du på kvifor det er så stilt på bloggen for tida? Eg kan ikkje sei så mykje, men eg jobbar med å realisera ein draum eg har hatt lenge. Går alt i boks skal de få veta kva som skjer,og fell det heile i fisk forbigår me det i stillhet;) Men enn så lenge vert det sporadiske oppdateringar.

Ha ein flott Juni:)

Heimelaga

2010-06-04T19:06:00.001+02:00

På skapdøra på soverommet vårt heng ungane sin dåpskjole til pynt for tida. Ikkje fordi me har umiddelbare planar om å bruka han att, men fordi eg endeleg fekk somla meg til å vaska han her for ei stund sidan. (At det tok vel 3 år treng me ikkje snakka noko meir om.......)

Kjolen vart til då storebror skulle døpast, og me ikkje hadde ein dåpskjole, men i skapet hadde eg mange meter indisk silke som eigentleg skulle vera til brudekjolen min. Men sidan eg enda opp med å leiga kjole, låg silken der og berre venta på eit passande prosjekt. I eit Familien fann eg eit nydeleg mønster, og mammo vart sett på saken.

Sjølve overdelen er av brokade, og skjørtet er i silke, kanta med brokade. Etter dåpen vart kjolen levert inn til ei som broderte namn og dato på.

Underskjørtet er rett og slett laga av ein gamal lerrets underkjole...

Banda med teksten : "La de små barna komme til meg, for Guds rike hører dem til," hekla tanta mi.

Hua er og av brokade, og kan brukast både til jente og gut. Nyyyydeleg synes eg han vart, og no heng han altså til pynt på skapet vårt enn so lenge. Sidan eg er glad i tradisjonar håpar eg at denne kan gå i arv og verta nytta av mange små dåpsungar i framtida.

Har du ein spesiell dåskjole? Vis han fram om du vil.

God helg♥

Øvelse gjer mester

2010-06-02T12:17:00.001+02:00

No må eg berre trena på meir avanserte mønster. Ein baristas liv er hardt;)

Kom Mai du skjønne MILDE!!!!!

2010-05-10T22:27:00.001+02:00

På laurdag kjøpte eg litt blomar til verandaen, slik at uteplassen min kunne byrja å likna på bileta i innlegget under. I dag vakna eg til DETTE:

Nokon har gløymt å skru opp termostaten!!!!

Ja, ja, eg slapp i alle fall å slå plenen i dag, og i rein protest kjøpte eg litt meir blomar - dog nokre som tåler litt frost........

Ha ei god natt♥

Uteplassen min

2010-05-06T21:11:00.001+02:00

NIB har ein komkuranse gåande, der me vert utfordra til å vise fram uteplassen vår. Desse bileta er frå min uteplass på verandaen. Her er det deilig å nyyyyte late sommarkveldar.

Her vart fjorårets siste jordbær fortært ein sein augustkveld i fjor.

Når sola skin er det deilig å sitte i solveggen med ein kopp kaffi. Ungane har fått sin eigen plass med stolar, bord og pararsoll. Stor stas:0) Under taket heng jordbæra, og bakom den største lykta står det både Mynte, timian og rosmarin:0)

Eg håpar på mange kaffipausar på verandaen i år og. Velkommen om du skulle få lyst på ein pause;0)

Stemningsrapport

2010-05-06T13:23:00.001+02:00

Ikkje så værst å gå tur i desse omgjevnadane

Soveromsdetaljar.

2010-04-26T13:46:00.001+02:00

No høyrdest dette nesten litt snuskete ut, men her vert det ingen skumle detaljar, berre litt interiør. Eg har trass alt lova dykk det tidlegare, og ein skal alltid halde det ein lovar:)

Dette er berre eit bilete for å vise at eg har klart å få opp gardinene:)

Her er eit tappert forsøk på å vise tapeten. Det er verkeleg tapeten som "gjer" heile rommet. Kvit botn, med eit nydeleg sølvaktig mønster.

Nattbordet er eigentleg eit lite skap i serien "Lista" frå Skeidar. Eg syntes dei litt Snirklete detaljane mjuka opp soverommet, som ellers er ganske stramt i linjene.

Desse tre bur på hylla over senga, og verkar kanskje litt malplaserte i eit "vakse" soverom, men dei har sin heilt spesielle historie. Den vesle grå bamsen med eit lite dikt på puta sende eg til husbonden då han budde i USA eit år, og sauen fekk eg av ei venninne då eg gjekk gravid med eldste mann. Ho skulle reise vekk og viste ikkje om ho kom att før babyen var fødd, men ville at eg skulle ha gåva. Me visste ikkje om det vart gut eller jente, og eg fekk denne og ei nydeleg lita blå strikkejakke som kunne passe til begge kjønn.

Desse putene frå Turiform, med lilla tekst passa perfekt inn på soverommet, og eg klarte ikkje motstå dei.

Om husbonden la merke til forvandlinga då han kom? Så absolutt! Han ankom 02.30 om natta, og då han opna døra til soverommet og skulle gå inn stoppa han med foten halvegs inn i rommet og berre stod og stirra. Hjelpsom som eg var slo eg på lyset så han kunne få sjå skikkeleg, og han var svært så fornøgd og overraska.

Soverommet vart nett som "In my dreams....." Ha ein flott dag♥

Gje det vidare

2010-04-26T13:09:00.001+02:00

For leeenge sidan heiv eg meg på ein "pay it forward" inne hos Lykkeliten. Dei første tre som la att ein komentar fekk i løpet av dei neste 365 dagane ei gåve i posten, og så måtte me lage eit tilsvarande innlegg og legge ut på vår blogg. Sidan eg er litt distre` har eg rett og slet klart å gløyme å legge ut eit innlegg, rødme........Men herved er innlegget på plass, og det er berre til å hive seg rundt;) Dei tre første som legg att komentar og legg ut eit innlegg inne hos seg vil få ei gåve i posten i løpet av dei neste 365 dagane. Sansynlegvis ganske raskt slik at eg ikkje gløymer det;)

Når katten er borte....

2010-04-11T00:05:00.001+02:00

...dansar musene på bordet. I dette tilfelle - når husbonden er vekke pussar konemor opp soverommet - uten at husbonden veit nokon ting....

Soverommet vårt har vore nedrioritert sidan me bygde huset for 5 år sidan. Når gardinene no var på veg til å ta kvelden fullstendig, kjende eg at NO var tida inne for å gjera noko. Eg ymta litt om ideane mine for husbonden, og han var ikkje framand for tanken. Sidan det i lengre tid har vore laaaangt frå tanke til handling hos meg, rekna han vel ikkje med at det var nokon umiddelbar fare for at ting skulle skje. Lite ante han at så snart han var ute av døra på tirsdag, gjekk eg til aksjon. Han skulle vera vekke til sundag, så her var det om å gjera og handla snart. På veg heim frå barnehagen handla eg maling og tapet, og sette i gang.

Her er utgangspunktet:

Ikkje akkurat veldig spanande....Nattbordet er truleg det styggaste eg veit om, og eg har planlagt å bytte det ut dei siste 7 åra. Som sagt - det har ofte vore langt frå tanke til handling;) Ut rauk hovudgjerde, nattbord og lysestakar, og inn kom malingsspannet. Må tilstå at panikken tok meg då eg hadde malt første veggen 1 strøk. Dette vart LILLA!!!!

Avgårde for å kjøpe ny maling, og på`an igjen. No vart alt så mykje betre:)

Etterpå vart ein vegg tapetisert, hyller skrudd opp, nye gardiner hengt opp og nye nattbord sett på plass. Rommet var ugjenkjennelig ! Fortsatt lurer eg på om dette er mitt rom:

No manglar det berre å få hengt opp dei kvite liftgardinene, som skal skjule rullegardina, og å få på plass litt stæsj. I morgon natt kjem husbonden heim, og eg er rimeleg spent på kva han kjem til å seie når han opnar døra til soverommet;) Eg er i alle fall så nøgd, at det er mulig eg må vise fleire bileter når dei siste detaljane er på plass:0)

Ha ei god natt♥

Hugsar du......................

2010-04-09T19:13:00.001+02:00

............................denne????

Sidan eg viste han fram etter påsken i fjor, har den fått eit strøk med ny maling, og nytt trekk.

Fin, ikkje sant:0) Takk til far i nabohuset og svigerinno for framifrå jobb! Må tilstå at eg ikkje kan ta æra for meir enn å vera med og velje trekk.....

Denne veka har eg halde på med eit prosjekt som eg håpar eg kan vise fram i morgon. Eg er kjempenøgd med resultatet, men det manglar litt før det er heilt klart.....Følg med, følg med;)

Ha ein flott fredagskveld♥

Fornying

2010-03-27T14:52:00.001+01:00

Litt kvitmaling, nye knottar, og vips : Nytt skap:-D

God påske ♥

2010-03-25T13:29:00.001+01:00

Ein skjønar at ein er ute og kjøra når ein kjøper snop berre fordi det ser så fin ut i skåla;)

Om dei smakar godt? Anar ikkje, men dei skal få lov til å vera med på hytta, og pynte opp til påske.

Saman med dei søte Maileg - påskeegga er påskestemninga på veg. I morgon reiser me på hytta (slemme tjuvar kan berre halda seg vekke, husbonden er heime, og når han kjem til hytta, passar andre huset;) og kor mykje blogging det vert derifrå kjem heilt an på mobilen;)

Denne søte påskekyllingen og eg ynskjer dykk alle ei god påske. Det går an å ta kyllingen ut av "egget" og legge noko oppi. Då eg var lita, stod det ein slik ved sida av tallerken på påskemorgonen, og oppi låg det ein sjokoladebit. Mmmmmmm.

Ha ein flott påske♥

Visst skal våren koma.

2010-03-22T14:57:00.001+01:00

I dag har eg vore på ein liten rusletur i hagen, for å sjå kva som stikk hovudet opp no når snøen er vekke. Jammen veks det fort, og det er tydeleg at NO er våren undervegs. I går kveld sang til og med svarttrosten for full hals:)

Under kristornen blømer Krokusen for fullt. Alle bæra de ser er Kristornbær, og i bakgrunen kan de sjå masse små kristornplanter. Om nokon vil ha ein Kristorn er det berre å sei i frå. Me druknar i Kristorn i hagen. Etter å ha sagd ned eit par stykker har me framleis 5 stykker i hagen, men eg trur det ryk eit par til i år.

Dette er den fyrste spede spira på Peona mi. Kanskje ho kjem med blom i år.......

Til slutt må eg berre vise forskjellen på årets vinter og fjoråret. I januar i fjor såg ranunklane mine slik ut:

I dag, 22.mars var dette alt eg fann. Eg lurer litt på om dei i det heile har overlevd vinteren.......Me får sjå.

Ha ein flott mandagskveld♥

Medan me venta på våren.......

2010-03-21T14:50:00.001+01:00

....har eg strikka og strikka. Plutseleg var det kjekt, og eg tenkte at eg måtte smi mens jernet var varmt. Det resulterte i tunikaen eg viste for eit par innlegg sidan, og denne tunikaen de ser her er allereie teken i bruk:

I tillegg er eit par prosjekter til nesten fullførte, så eg er i grunnen strålande nøgd:0)

No gler eg meg til å ta fatt på nye prosjekter i påskeferien. Nedtellinga til ferien er begynt, og på fredag reiser me å hytta. Me pussa ganske mykje opp i fjor, noko de kan sjå her og her. I år skal det og pussast opp, men no i påsken ska me berre nyyyyyta.

Oppi senga her, skal eg kosa meg med både strikketøy og bok. Hæææærleg:0)

Ha ein flott dag♥

De må spara på vatnet!!!!

2010-03-18T12:05:00.001+01:00

Det er meldinga me høyrer støtt og stadig for tida. Det er jo vannmangel må veta! Kan du tenka deg! Vannmangel på vestlandet! Joda, etter 3 mnd med snø i staden for regn skortar det på drikkevatnet, men eg kjener eg protesterer litt på denne påståtte vanmangelen.

Det er jo berre til å sjå seg rundt, så finn me vatn i alle retningar. Berre på veg til barnehagen i dag passerte eg ei elv, eit STORT vatn og eit lite vatn - alle fulle av - nettopp - vatn! Eg er fullt klar over at me ikkje berre kan rusla ut og drikka dette vatnet, men eg er 100% siker på, at om det vart naudsynt, kan me koka, rensa og drikka det.

Etter å ha tilbragt ein del tid i Israel og Palestina synes eg at vannmangelen vår er noko overdreven. Der og mange andre stader i verden tyder vannmangel nettopp mangel på vatn. Når det er tomt er det TOMT. Då er det ingen andre stader å hente vatnt. Ingen store vatn og elvar som ligg klare og ventar i tilfelle drikkevasskjelda går tom.

Dermed vert dette eit lite hjartesukk frå meg. Spar på vatnet, men lat oss ikkje gå av hengslene. ME HAR VATN!!!! MASSE vatn. Og kjenner eg Vestlandet (og resten av Norge) rett , regnar det nok snart nok til at me kan opne springen utan å bekymre oss for at drikkevasskjelda skal vere tom.

Ha ein flott dag♥ Bilete frå Google

Forandring fryder????????

2010-03-16T12:59:00.001+01:00

Dette bietet er eit 1,5 år gamalt bilete frå sofakroken vår, men det er ikkje mykje som har endra seg. No har eg hamna i tenkeboksen.......Akvariet var ein investering eg hadde drøymt om lenge, og som eg var kjempelukkeleg for å få i hus, men no......

Stova vår er ikkje av dei største, og vanskeleg å møblere. Me har ikkje for mykje sitteplass, og akvariet er rimeleg dominerande. I tillegg er den 5 år gamle svarte skinnsofaen superpraktisk, men absolutt ikkje det eg ville valgt no.

Dei siste månadane har tanken på å selgja akvariet dukka opp stadig oftare. No har eg plutseleg inkludert tanken på å selgja sofaen og.......

Korleis sofakroken ser ut kan du sjå her. Eg lurer på å fjerne akvariet og bytte ut sofaen i noko slikt

Ikkje denne varianten, men den noko liknande i ein mørk gråblå farge. Kanskje 3 + 3 + sjelselong.....Kva trur du?????

Dette er ikkje drøfta med husbonden, og det skjer ikkje i morgon, men tanken er der......Kom med synspunkt:0)

Ha ei flott veke♥

Utrykning!!!!

2010-03-14T12:55:00.003+01:00

Neida, det er ikkje så alvorleg som det høyrest ut;) Svigerinna mi utfordra meg til å lage ei politibilkake til nevøen min sin 5 års dag, og her er resultatet:) Ikkje perfekt, men eg er ganske så fornøgd med meg sjølv:) Lokket laga eg av Marsmallow fondant, og det vert svært så bra. Har aldri gjordt det før, men det var enkelt å lage, og lett å jobbe med.

Ynskjer dykk ein god sundag med eit bilete frå Mars i fjor. I år er ståa noko annleis, eg klarte ikkje ein gong å grave meg ned til Timianplanta i urtehagen min pga av all snøen.....Men no er våren på veg, sjølv om det har snøa i dag. Eg har nemleg sett både Snøklokker og Krokus!!!!

Ha ein god sundag♥

VÅR !

2010-02-28T19:14:00.001+01:00

Ja no rynka du nok litt på bryna, for slik ser det ut på verandaen min, og dei fleste andre stadar.

MEN, eg har nytt årets fyrste kaffikopp i sola på verandaen i dag.

Utan tjukk genser og boblejakke, og termometeret viste faktisk 15 grader i solveggen:) Så sjølv om snøen framleis ligg , er det ingen tvil; VÅREN er her.

Ha ei flott veke♥

Jeg prokastinerer -

2010-02-19T12:38:00.001+01:00

- gjør du??????

Det var tittelen på eit teaterstykke for ein del år sidan. Eg har aldri gløymt tittelen, men aldri våga å slå opp kva det eigentleg tydde, høgtideleg overbevist som eg var om at det måtte vera noko skikkeleg "dirty". Då eg ved eit tilfelle fann ut kva det betydde måtte eg svare - JA - eg prokastinerer- heile tida!!!!! Å prokastinere heng nemleg tett saman med ; " Eg skal berre først.......så skal eg gjere......."

Eg utset det meste så lenge eg berre kan. I kjellaren har eg ein stabel med knappelause bukser, jakker, genserar, you name it, I`ve got it, som ligg der og ventar på ny knappar. Kaskje eg trur at om eg berre let dei ligga der lenge nok, så dukkar knappefeen opp i nattens mulm og mørkre og eg vaknar til ein stabel med fint isydde knappar?

Eg har lova onkelen min å bestille nokre frøpakkar på nettet. I dag kjem dei på besøk, så etter at eg har fullført dette innlegget skal eg bestille dei. Det byrjar jo å verta litt mistenkjeleg at det tek 3 veker å levere 2 frøpakkar.......

Eg har nokre telefonar eg skulle tatt, men først må eg berre skrive dette innlegget.....

Eg skal vaske til helga, og bake ei kake til i ettermiddag, men først skal eg ta eit par telefonar.....

Jeg prokastinerer - gjør du????

Ha ei flott helg♥

Prokastinere - å utsette

Strikkedilla

2010-02-09T21:37:00.001+01:00

Kor vart tida av?????????????????????? Ser at det er leeeeenge sidan sist eg blogga, men det føles egentlig ikkje slik. Men sidan eg ikkje har blogga har eg fått gjort anna i staden;) Eg har strikka ferdig ein tunika til frk dings (bilete kjem når han er montert. Svigerinno; HJEEEEEELP!!!!!!) , strikka leggings til å matche tunikaen (kanskje eg får somla meg til å ta bilete av dei og ein dag;) og strikka ENNO EIN TUNIKA til frk dings. Dei som kjenner meg veit at dette er ganske sensasjonelt. Sistnemde har eg faktisk bilete av:

Fin sant :0) I tillegg har eg byrja på ein genser til storebror, men no kjenner eg at senebetenelsen er på veg, så eg må kanskje bremse litt;)

Medan eg har vore noko fråverande har eg vore så heldig å få denne utmerkinga frå både Igis verden og Det var en gang.

Tusen takk!!! Saman med den kom ei utfordring om å fortelje 7 ting om meg sjølv, så eg hiv meg ut i det og prøver:

1. Eg er utdanna sjukepleiar med vidareutdanning innan diabetes.

2. For tida heimeverande, men drøymer om å drive brudesalong! Heilt sant!

3. Mannen min er frå Betlehem, og me møttest på flyplassen i Tel Aviv

4. Eg har jobba 3 mnd som friviljug sjukepleiar på eit lite katolsk sjukehus, i hjarta av Jerusalem.

5. Har opplevd rakettangrep og maskingeværangrep i Betlehem. (Relax hony, it`s far away. At least 1 km!!!)

6. Er hekta på Greys Anatomy.

7. Er livredd for å fly.

Då hadde du litt meir unyttig kunskap om meg;) Ha ei flott veke.♥

Noko gamalt.........

2010-01-22T20:42:00.001+01:00

Drømmen om en eplehage har ein flott utfordring, nemleg å lage eit innlegg om noko som ein eig, men som ikkje er nyinnkjøpt. Utfordringa er herved tatt, og valget fall på denne gyngestolen:

Denne gyngestolen hadde me i stova heime då eg var lita, men no har han flytta inn i loftsstova hos meg. I mellomtida har han tilbragt ein del år på garasjeloftet, før eg redda han inn i varmen att. At han no er trendy ante eg ikkje før eg såg siste utgåve av BoligPluss i går. Der stod nemleg ein so og seia identisk gyngestol avbilda i furu til den nette sum av 3935,- Medan denne:

Gyngestolen Aksel www.purnorsk.no

i kvit kostar 6225,-!!!!!! Trur eg må på loftet å telja spiler i ryggen;) Men for meg har han, uansett om det er ein ekte Jærstol eller ikkje, affeksjonsverdi, og gjev meg mange gode minner:) Tar du utfordringa frå Drømmen om ein eplehage?

Ha ei flott helg♥

Busstrøbbel.

2010-01-19T20:21:00.001+01:00

Eg har ei vedkjenning og koma med; Eg er LIVREDD bussar! Då snakkar me ikkje om at eg er redd for å ta bussen, for det er eg aldeles ikkje, men eg er livredd bussar når eg er ute og køyrer bil. Spesielt i dei områda der fartsgrensa tilseier at eg har vikeplikt!

Når eg er ute å køyrer i 50 sona, og ser ein buss på busstoppet framføre meg, kjenner eg at pulsen stig, og eg byrjar og kaldsvette. Foten vinglar panisk mellom gass og brems, og hjernen går på høggir; Skal eg bremse opp i tilfelle bussen bestemmer seg for å slå på blinklyset og svinge ut, eller skal eg trø på gassen og prøve å koma bussen i forkjøpet. Gass - brems, gass - brems, gass - brems.......og slik held eg det gåande.

Når eg har nådd bakenden på bussen, er blodtrykket skyhøgt, og skuldrene godt forankra under øyrene. Augene er store og stirrande med blikket festa på venstre blinklys - blinkar, blinkar ikkje. Foten som har vingla mellom pedalane, bevegar seg ned på gassen, og eg fresar forbi. Phuuh, redda for denne gong.

Det heile heng saman med ei oppleving der eg var passasjer, og hadde beste utsikt inn i sida på bussen som bestemde seg for å svinge ut, då me var godt oppe på sida av han. Eg la meg nesten over i fanget på sjåføren og var sikker på at bussen ville inn og handhelsa. Heldigvis tok bussen fornuften fatt og bremsa opp slik at me ungjekk nærkontakt, men eg har aldri hatt same forholdet til bussar etterpå.

Av ein eller anna grunn ser det ut til at mange bussjåførar meinar at dei ikkje treng å blinke i god tid FØR dei svingar ut, slik at sånne som meg veit kva pedal me skal trø på. Det held at dei blinkar i same augneblink som dei svingar, og resultatet er slike nervevrak som meg, som er overbevist om to ting: 1: Ein dag får eg ein buss i sida. 2: Eg får ein dag ein bil langt inn i bagasjerommet, når eg trør bremsen i bånn for å UNNGÅ å få ein buss i sida.

Kanskje er det berre busselskapa sin strategi for å få oss til å la bilen stå og ta bussen. Då er ein i alle fall trygg............

Ha ein flott kveld:0)

Bilete henta frå Google biletsøk - søkeord Buss

Mandag!

2010-01-18T14:22:00.001+01:00

Etter å ha hatt sjuke ungar mesteparten av forrige veke, skal eg ærleg bekjenne at det er godt å ha huset for seg sjølv att. Godt å kunne sige ned i godstolen utan at nokon ropar på mamma etter ca 30 sek, eller går laus på kvarandre i mangel på noko betre å bruka energien på. Som de skjønar har dei nemleg ikkje vore kjempesjuke, berre nok til å måtta vera heime, utan å få lov til å gå ut. Men no satsar me på betre tider.

På laurdag belønna eg meg med ein stor bukett med svakt rosa tulipanar. Nydeleg og vårleg.

Buketten vart sett i min flotte Alvar Aalto vase. Eg har hatt lyst på ein slik vase i årevis, og for eit par år sidan kjøpte eg ein for pengane me fekk av mine foreldre til jul. Kvart år i Januar fyller eg den med tulipanar når jula vert kasta ut. Det finst mange ulike tulipanvasar, men eg må tilstå at eg ikkje synes nokon kjem opp mot denne:)

På spisebordet har eg sett ein samanplantning med Primula. Og ein ting eg kjøper inn når jula går ut. Må liksom ha noko å kompensere med når alt stæsjet vert putta ner i eskene sine. Denne samanplantinga stod på bordet i jula og, men då med kvite minijulestjerner og kvite sviblar i staden for primulaene, så her er det til og med gjenbruk;) Duken er forøvrig ei handlaga bryllupsgåve frå ei tante av meg, og eg er kjempeglad i den duken.

Ha ei flott veke - Her satsar me på friske ungar:0)

Ein ny bestevenn........

2010-01-12T13:04:00.001+01:00

.......kom i hus rett før jul. Det skulle eigentleg vera husbonden og min sin julepresang til kvarandre, sjølv om han juksa litt og det låg opp til fleire presangar under treet til meg, men det er ein annan historie..,,

Me har begge snakka lenge om at me ville ha ein kafimaskin, men syntes det var litt dyrt. Så fekk eg ideen om at dete kunne vera julegåva i år, og når då naboen kunne fortelja at Elkjøp hadde dagstilbod på kaffimaskin 10.desember, var saken klar og kaffimaskina i hus.

No er eg eigentleg typen til å tilbringa maaaaaange timar på nettet og leita etter testar for å finne den beste maskina i vår prisklasse, men denne gongen vart makina innkjøpt kun på eit kriterie - pris. Nokon test på akkurat denne maskina har eg ikkje funne, men andre Siemens kaffimaskinar kjem i alle fall bra ut, og me er særs nøgde:)

Kaffien smakar nyyyydelig, Cremaen på kaffien er tjukk og fin, og når eg berre gidd å studere bruksanvisninga skikkeleg, skal eg nok klare å lage god Espresso, foreløpig har det gått i vanleg kaffi;) Sundag oppdaga eg at anten må Moccamasteren få seg ein skikkeleg rens, ellers så er det rett og slett berre eg som har vorte bortskjemt;)

Her er kvardagen endeleg attende, etter julefeiring, og i helga har storebror feira 5 års dag 2 dagar på rad, med barneselskap på laurdag, og familieselskap på sundag. I dag har eg levert katten til sterilisering, før frk. dings var til øyrenasehalslege til kontroll, medan storebror fekk sitja og teikna på kontoret til tante (takk igjen til svigerinno;), før dei vart avlevert i barnehagen. No skal eg prøva å få bursdagsmiddagen til husbonden i ovnen (gratulera med dagen kjære), før eg hentar katten hos dyrlegen (takk til mor i nabohuset for kattehalding til og frå veterinæren - kven kan hugse å kjøpe bur sånn heilt utan vidare.....) og ungane i barnehagen. Joda, alt er attende til normalen.

Men i postkassa i dag kom denne boka, som ligg og ropar på meg:

Eg gler meg til kaffi, bok og Greys i kveld................ Ha ein flott dag:0)

Godt nytt år!

2010-01-03T21:06:00.001+01:00

Då var jula over for denne gong. I alle fall nesten. Her i huset vert jula verande til etter den Gresk ortodokse jula som er 6 og 7 januar. Men dei late romsjulsdagane med kakao med krem til frukost, er historie. No er kvardagen attende, og det skal sant og seia verta litt godt. Kanskje vert det blogging att og? Her har juleferien tatt så pass overhand at eg knapt nok har opna pc`en.

Dermed er det tid for å ynskje dykk alle eit godt nytt år, og takke for det gamle, og det skal frk. dings få æra av å gjera:

Ha ein fin sundagskveld, og ei god fyrste veke i 2010:)

God Jul

2009-12-24T12:13:00.001+01:00

I kampen for å unngå stress i julestria, er blogginga ein av dei tinga som har måtta vika, men no måtte eg inn å ynskje dykk ei GOD JUL!

Mitt hjerte alltid vanker, i Jesu føderum. Der samles mine tanker, som i sin hovedsum. Der er min lengsel hjemme, der har min tro sin skatt. Jeg kan deg aldri glemme, velsignet julenatt.

Juleavslutning

2009-12-08T22:53:00.001+01:00

På søndag hadde søndagsskulen me går på juleavslutning, og årets avslutning vart lagt til ein flott besøksgard . Sjølv om det var kaldt, var være ganske bra, og lyset var heilt fantastisk, så kameraet gjekk varmt. Dette biletet er av eldhuset på garden, der me fekk servert bålkokt kaffi.

Garden var pynta til jul, og sjølv sauene hadde fått ei adventsstjerne i vindauga.

Døra til fjøset var pynta med krans, og inne stod det både sauer, kyr og endå til ein hest som venta på å verta klappa. Frk dings klappa sauer til den store gullmedaljen, og sjølv om ei av kyrne prøvde å gje ho ein smellkyss, syntes ho det var heilt fantastisk.

I det gamle grishuset hadde dei samla mange skattar, og her hadde mange i bloglandia kikka til auga vart stort og vått.

Juleevangeliet høyrte me på låven, med "okse og asen" under oss, og me sang ein av dei vakraste nye julesangane eg veit om; Bjørn Eidsvåg sin "I en natt"

I en natt så klar og kald, av en ung og tapper mor, i en krybbe, i en stall, fødtes håpet til vår jord. Så umerkelig, så stille, byens gater helt forlatt, ingen opptog for den lille, lyset kom en vinternatt.

Gjeterne satt rundt sin grue, skremtes opp av lys og lyd, himmlen stod i veldig lue, engler sang om fred med fryd. Ikke frykt - vær ikke redde, Gud er kommet til vår jord, nå i natt var det det skjedde, gå til barnet og hans mor.

I det stille, til de små, bringer Jesus håp og fred, og han kommer da som nå, fra sin himmel til oss ned. Julenatt med lys og glede, miner oss om Gud som kom, evig er han her til stede, nå står grav og krybbe tom.

Etterlysning!!!!

2009-12-04T22:56:00.001+01:00

Har nokon sett julestemninga ?????????? Eg les blogg etter blogg, der pepparkakedufta breier seg i huset, medan pakkane vert innpakka i lekkert papir med heimelaga nostalgiske merkelappar. Julemusikken kling i bakgrunen, og grønsåpedufta vitnar om nyvaska kjøkenskap. Det rett og slett osar julestemning i bloglandia, MEN IKKJE HER!!!! Eg er for ein gongs skuld tideleg ute til meg å vera. Julekorta ligg klare for utsending, og mesteparten av pakkane er i havn men JULESTEMNINGA ER TOTALT FRÅVERANDE!!!! Resultatet er at eg ikkje kjem i gong med noko av det andre eg skulle ha gjordt før jul.

Herved er etterlysninga sendt ut: Har du litt julestemning til overs, så send ho hit umiddelbart! Ellers kjem jula til å kome som julekvelden på kjerringa........

I morgon prøver eg å bake pepparkaker med ungane, og sette julemusikken på full styrke. Kanskje det kan hjelpe.......

Adventstid - ventetid

2009-12-02T14:14:00.001+01:00

Ventetida kortar me med ein adventskalender. Eg har lurt litt på korleis eg skulle gjere det i år. Tidlegare har me hatt sjokoladekalender, som me stort sett har gløymt å opna, men no er ungane så store at eg ville finna på noko anna. Pakkekalender med gåver til begge to kvar dag, var heilt uaktuelt. For det fyrste hadde vimsete meg, aldri klart å få 48 pakkar på plass før 1.desember, og for det andre har eg ikkje lyst til å bruke mykje pengar på kalenderen. Eg synes ventetida kan handle om noko anna enn pakkar, dei kan me gøyme til julafta. Heldigvis kom naboen med eit glimrande forslag, som eg kasta meg over med ein gong. Her er resultatet:

Sjølve kalenderen har eg brodert ca halve, og så overtok ei snill tante av meg, og fullførte resten;) Observante lesarar vil sjå at eg ikkje har sett ringar på, og nett no trur eg faktisk ikkje eg kjem til å gjera det heller.

På denne måten dekkar ikkje pakkane over biletet, og me slepp å sjå på alle dei fristande pakkane som heng att. Sidan eg har sagt eg ikkje skal ha pakkekalender, lurar du kanskje på kvifor det heng pakar på kalenderen............Inni pakkane ligg det figurar frå ei Playmobil julekrubbe, og me set inn nokre figurar kvar dag.

Så langt har me fått på plass engelen Ariel og engelen Gabriel ( som storebror høglytt fastslo ikkje var ein engel men ein bonde, som atpå mangla capsen.........) frå Simon Flem Devold si adventsbok.

Det er nemleg del tre. Kvar dag les me eit kapittel frå denne kalenderboka, og i løpet av adventstida får me sjå om Ariel klarar å synge Ære Være Gud i det høyeste, i staden for Elle melle Gud i det høyeste. Ungane synes det er kjempekjekt, og eg kosar meg med historien eg og. I tillegg synes eg det er kjekt å prøve å finne figurar som passar til dagens avsnitt.

Tusen takk til tante mimmi for tips til ein super kalender, som faktisk fokuserar på kva ventetida og jula handlar om - Jesus. Og når ungane vert større fortset me berre med neste steg, min julekalenderfavoritt - Jostein Garders Julemysteriet. Foreløpig er det min julekalender, og er varmt å anbefala til litt eldre ungar, og vaksne :0)

Her har eg forresten ei etterlysning. Er det nokon som har den "blå" praktutgåva av julemysteriet, og som ikkje brukar den? Vil du selja den så ta kontakt, for eg skulle veldig gjerne hatt akkurat den utgåva. I denne utgåva er det, som du ser på biletet, skore eit hol i den kvite sida framføre biletet, slik at det vert nesten som ei kalenderluke, og så må du ble om for å sjå heile biletet. I seinare utgåver er biletet berre trykt på denne sida........Som sagt, står denne utgåva berre og samlar støv hos deg, så ta kontakt;)

Heldige meg.......

2009-12-01T21:27:00.001+01:00

........som fekk vera med naboen på tur! Då eg fekk høyra at ...tante mimmi.... skulle ut og selja ringar på julemarknad i idylliske Rosendal, melde eg meg frivillig til å vera med.

Svigerinno og eg hadde allerede snakka om å reisa dit, og sidan ho hadde tilgong på hus, slo me til med ein overnatting og. Det enda med at me var 4 damer som tok turen innover - kjempekoseleg. Tuuuusen takk kjære nabo for at eg fekk vera med deg på tur. Eg stiller neste år og om eg får lov:0)

Her myser eg inn i boda til tante mimmi, og eg kan lova dykk at det til tider var trengsel rundt alle dei flotte ringane og smykkene. (Tøtta med den raude posen er meg.....) Ta turen innom til tante mimmi sin butikk; "På nytt", på epla om du er på jakt etter ein unik julepresang. Sjølv brukar eg hjartesmykket mitt nesten dagleg:)

I morgon skal eg vise dykk julekalenderen her i huset, så følg med;)

Når regnet høljar ned....

2009-11-22T23:40:00.001+01:00

........kan ein jo kose seg med gode sommarminner.

I fjor sommar besøkte me ei god venninne på Læsø i Danmark, og her nyt storebror "sydenstranda". Snart snur sola.......

Det står til liv.....

2009-11-20T22:55:00.001+01:00

Ikkje mange livsteikn her for tida, men eg er då fortsatt til stades. Dagane fyk avgarde utan at eg er heilt sikker på kvar dei vert av. Dette bilete vart tatt tidleg sundag morgon, då eg hadde nokre minuttar for meg sjølv før dagen starta for fullt. Pottene på miniorkideane er faktisk nokre telysestakar som har fått nytt liv som blomepotter:)

Mor i nabohuset inviterte på elg og hjortesteik, og eg hadde meldt meg frivillig il å steike hjortesteika, sidan mammo skulle steike elgen, og det trass alt er begrensa plass i ein steikeovn. Då steika var i ovnen, og ungane påkledde, bar det til kyrkja der storebror fekk 4 års bok. Stor stas:)

Etter middagen bar det vidare til eit venepar, der far i huset hadde bursdag, og slik har det fortsatt heile veka føles det som.

Då er det godt med litt masasje. Eller det var i allefall det eg tenkte då eg fekk husbonden til å bestille thaimasasje til meg. I dag har eg vorte knadd og masert etter alle kunstens reglar, og eg har berre ein ting å seie; Fyttigrisen så vondtgodt. Eg har dårlege skuldre, og ein litt kranglete rygg, og masasjedama fann ALLE ømme punkt frå nakke til rumpe!!!!!!! Innimellom, når ho la inn dei lange deilege masasjebevegelsane tenkte eg at dette var godt, men før eg rakk å fullføra tanken, sette ho inn eit nytt støt mot mine ømme musklar, og eg kunne kjenna korleis overkroppen automatisk løfta seg når ho trykte på dei ømme punkta på min edle bakpart. Mest bekymra vart eg då eg merka ho tok av seg sokkane, og faktisk byrja å GÅ på låra mine før ho prøvde å slå knute på føtene mine. Jammen godt dama var liten og vever.

Bilete frå Touched by love

Det verste er t eg lova å ringe å bestille ny time før jul. Trur eg må ha vore bevistlaus i gjerningsaugneblinken. Men vondt skal vondt fordrive, så eg stiller vel opp......Dessuten var det jo nokre behagelege augneblink innimellom;)

God helg:0)

Javisstnei!

2009-11-06T11:08:00.001+01:00

Sjølv om eg ikkje ser slik ut, så er eg faktisk opptatt av sunt kosthald. Innerst inne kunne eg godt tenkt meg å verta ernæringsfysiolog, men 6 års utdanning lokkar ikkje. I tillegg prøver eg som best eg kan å vera miljøbevisst. Dette viser seg av og til å kræsje med eit brak! Det er jo slik at ein helst skal eta økologisk, kortreist mat for å vera sunn. I tillegg er det jo ein fordel at ein likar den maten ein skal ete.

Eg er foreksempel veldig glad i Avocado, og den er jo full av sunne, umetta fettsyrer. I ernæringsperspektiv er dette JA!!! mat, men i miljøperspektiv er det NEI!!! mat, då avocado trass alt må ut og fly for å koma til Norge.

Bilete av Ingjerd Thurmer

Tomat, agurk og mais er essensielle ingrediensar i ein hvilken som helst salat, men kan vel heller ikkje seiast å vera miljøvenlege. Vel kan ein få norske agurker og tomater, men dei må jo dyrkast i drivhus, som treng elektirsitet for å varmast opp osv.......

Og så er det jo appelsiner då!! I desse svineinfluensatider skal me jo helst innta litt ekstra c-vitamin for å ha litt ekstra på lager til å bekjempe skumle basillar, men appelsiner vert i alle fall ALDRI kortreiste så lenge me bur i Norge, altså heller ikkje miljøvenlege. No er jo kålrabi full av c-vitamin, så eg kan jo eta den i staden, men eg veit ikkje om det vert heilt det same å skrelle kålrabi på skitur? For ikkje å snakke om kor rart det ville sjå ut å sette kålrabiskåla fram til jul, i staden for mandariner og appelsiner......

Kanskje det er difor eg har klart å kvalifisere meg til kategorien overvektig. Det er så vanskeleg å finne miljøvenleg, kortreist mat at eg trøystar meg med sjokolade????? No er jo ikkje den spesielt kortreist sidan kakaoen må flyast inn, og sidan eg som oftast nyt den saman med kaffi, som heller ikkje vert hausta i Noreg er det vel ikkje akkurat miljøvenleg........

For å kompensera sjokoladen har eg byrja å trena. Eg har alltid høyrt at TRENING er det viktigaste for å gå ned i vekt, så sunn mat og trening 3 gonger i veka måtte ordna den saken. Neida, trur du ikkje eg LA PÅ MEG!!!!!! Svaret fann eg i eit blad litt seinare. No har dei funne ut at om du berre trenar, men et det same som før, er det ikkje sikkert det verkar, for det er MATEN som er det viktigaste for å gå ned i vekt. JAVISSTNEI!!! Dessutan visar det seg at ein ofte belønnar seg sjølv med litt ekstra mat når ein har trent. Hmmmm. Eg trur eg må ta meg ein langreist, usunn sjokolade, og ein kopp kaffi for å fordøye slike nyhende, og for å samle krefter til å jakte på kortreist, miljøvenleg, sunn mat.

Ha ei god helg:0)

Bilete frå Google

Endeleg..........

2009-11-03T13:05:00.001+01:00

....ut av denne skåla....

.....har eg fått trekt ein vinnar i jubileumsfeiringa mi. Då eg bestemte trekningsdatoen hadde eg heilt gløymt ut at me skulle feira pappens 80 års dag heile helga, og at eg ikkje ville rekke å trekke før helga var over. Men no er det gjordt, og den heldige vinnaren av Bodyscrub vart:

Gratulerer Anette. Veldig kjekt at det vart akkurat du som vant, me starta jo samstundes, og har fulgt kvarandre dette året. No kan du ta deg ein liten pause, og nyte effekten av olivenolje og dødehavsmineraler før julestria set inn:)

Trøystepremie går til:

Lykkeliten, og Kirsebær!!! Gratulerer til dykk og. Kanskje julestria vert litt enklare med Madrrassrensen, som er super til reingjering av ulike stoffmøblar. Spray på, vent litt, og tørk over med ei fuktig microfiberfille. Lykke til:) Mail meg adressa dykkar, så kjem pakke i posten:)

Har nokon lyst til å vite meir om Norwex sine miljøvenlege reingjerings, og hudpleieprodukter, så berre ta kontakt på henrieta@online.no.

Ha ei flott veke:0)

Hva sker`a........

2009-10-29T13:13:00.001+01:00

Baghera? Ingen ting Tingeling...... Og det skulle vel oppsumera det meste her i heimen, og gje ei lita forklaring på den store stilla på bloggen;)

Husbonden har vore vekkreist i 14 dagar, og kjem heim i dag. Kombinert med at eg har vore litt ute av drift pga. ei lei forkjøling, har eg rett og slett ikkje hatt overskot til noko som helst, og har knapt nok vore innom bloglandia.

Det mest spanande som har skjedd, var vel då me måtte på legevakta og plukke ein legodiamant ut av nasa på frk.dings.....Ja,ja det var i alle fall ikkje Nabbiperler, og me rakk akkurat fram til kinoen i tide slik at me fekk sett Knerten. Må tilstå at då tida gjek på legevakta utan at me kom inn, og eg hadde billettane til filmen i veska, var eg rimeleg klar for å gå, med diamant i nasa og det heile, og kome attende etter filmen;)

Noko hyggeleg som har skjedd var pakken i posten frå Ralfefarfarsparadis. Eg var så heldig å vinne på bloggen hennar, og fekk alle desse godsakene i posten. Snakk om heldiggris:0)

Stikk gjerne innom denne koslege bloggen og legg att ei lita helsing. Ho har nett mista minsteguten, og fortener litt ekstra varme.

Desse blomane er til deg. Tenker på deg:0)

Ein nydeleg haustdag.......

2009-10-12T18:54:00.001+02:00

.......fekk meg til å gå tur med fotoapparatet i stadenfor å klyppa plenen. Dermed kunne eg foreviga eit par kandidatar til Moseplassens konkuranse Frk. Haust.

Denne Haustanemona var ein god kandidat, men nådde fakisk ikkje heilt opp.

Heller ikkje denne nypefrøkna fekk vera min kandidat....

Men denne frøkna sjarmerte meg i senk med sine glødande fargar, og får lov til å representera Tohustettitett i konkuransen.

Herved er min kandidat frk. strålande presentert.

Ha ein fin kveld.:0)

Ps: Ikkje gløym å hiva deg på i feiringa mi.

God helg:)

2009-10-09T18:22:00.001+02:00

Frk dings og eg ynskjer dykk god helg:0)

Biletet er min kandidat til Gullungen for Oktober på Fotoverden.

Nå er det jul igjen?????????

2009-10-07T19:18:00.001+02:00

Eg må tilstå at eg i år føler meg litt forfjamsa. Det er ikkje så lenge sidan eg tenkte at det framleis var mogleg å sitt ute når sola skein, og kanskje få litt farge på kroppen. Eller at det kanskje var sjangs for litt Indian summer. Eg har faktisk ikkje rukke å ta vekk alle sommerblomane enno, og tenkte eg skulle ta ein tur på plantasjen og kjøpe staudar og buskar på tilbod.. Eg må tilstå at eg stussa litt då eg fann heile plantasjen full av JULEPYNT!!!!!!

Biletet er lånt frå www.gorken.net

Ute hang plakatane for hagemøblar til halv pris, og inne stirra nissane meg i senk. Eg klødde meg i hovudet og lurte på om eg hadde mista ein månad eller to på vegen. Det er då verkeleg leeeeeeenge til jul enno, eller?????

Betre vart det ikkje då eg kom heim og fann ut at fleire i bloglandia allereie har starta juleforbereiningane. Julepresangar har vorte handla inn, juledukar strokne og julemagasin og julebøker handla inn. Eg er jo laaaaangt på etterskudd, eg som så vidt har insett at det er haust.

No lurar eg på kva tid Julemarsipanen vert lagt ut i butikkane. Nidar pleier jo å vera tidleg ute, men no er dei på helane skal dei følge opp plantasjen. Til gjengjeld er jo Nidar god på å leve opp til sangen: "Nå er det jul igjen, nå er det jul igjen, og jula varer helt til påske.........." For to år sidan var påsken så tidleg, at ein enno kunne kjøpe julemarsipan på tilbod, når påskemarsipanen vart lagt ut for salg. Kanskje vendbare posar hadde vore tingen. Framsida kan vera den tradisjonelle raude julemarsipanen, og på baksida den gule påskemarsipanen, så slepp dei å tape pengar på å selge marsipan til halv pris.

Eg må tilstå at eg er blandt dei som nektar å kjøpe julemarsipan før i Desember, og som let meg irritera over at jula kjem tidlegar og tidlegare kvart år. Mange er jo lei av jula og hiv ut julepynten så snart pakkane er opna. Juleforbereiingar er jo koseleg, og skal ein laga noko eigenprodusert til jul, må ein byrja no, og gjerne lesa litt julemagasin og bøker til inspirasjon, men no er eg litt spent på om jula verkeleg skal byrje allereie i bloglandia. Ting har jo ein tendens til å spre seg her inne, så byrjar fyrst ein så kjem vel resten etter;) Men eg lovar, hos meg er det leeeeeeeeeeenge til jul, og det kjem det tilå vera ei stund til. Eg lovar dyrt å heilagt å ikkje legga ut juleinnlegg før tidlegast i slutten av November. Æresord trur eg.............

Alle bilete er henta hos google.

Det skal ikkje vera lett......

2009-10-04T22:46:00.001+02:00

Kjøleskapet vårt er sansynlegvis alle interiørekspertars skrekk. Skikkeleg kjedeleg kvitt, og med ørten duppedittar og bilete. Rett og slett ikkje særleg trendy, men ganske koseleg;)

Øverst i venstre hjørne kan de skimta eit biletet, teke 04.10.02. Husbonden og eg i vårt fyrste bryllupp (for me har to nemleg;) Og det var ingen enkel sak å koma så langt, for me traff nemleg på noregs verste byråkrat!

Me ynskte å gifta oss borgarleg, og ha kyrkjeleg velsigning og brylluppsfest året etter, så me tok med oss dei naudsynte papira (trudde me) og rusla opp til sorenskrivaren. Dragen bak skrivepulten kikka på papira og såg med ein gong STORE problemer. Husbonden er Gresk statsborger, fødd i Jerusalem, av Palestinsk mor og oppvaksen på Vestbreidda. Greske statsborgarar treng eit dokument frå den Gresk ortodokse kyrkja som fortel om dei er ugifte eller ikkje. Dette hadde me, men det viste seg at det var for gamalt.....Me tutla heim fekk ordna med ei nytt dokument frå patriarkatet i Jerusalem, og vende attende.

Då hadde dragen ombestemt seg!!!! Me måtte ha eit dokument frå den Israelske staten sidan han var fødd i Jerusalem, og difor hadde Israelsk identitetsnr. Me rusla heim IGJEN for å sjekka opp i dette, og det viste seg at for å få eit slikt dokument, måtte han reisa til Jerusalem og møta opp PERSONLEG, og venta i MÅNADER på å få det utstedt. Sidan husbonden ikkje er Israelsk statsborger var dette eit dokument han eigentleg ikkje skulle ha behov for, så me vende attende til dragen for å snakka med ho. Då fekk me beskjed om at me trengde eit dokument frå ein domstol i Hebron!!! Det einaste me viste om domstolen i Hebron var at det var kaos i området, og at sidan husbonden ikkje er muslim brydde dei seg katten i om han var gift eller ikkje!!! Når dragen so kasta eit blikk på fødselsattesten min, løfta blikket og sa; "Han er litt gamal den fødselsattesten, ja,ja det står vel ikkje om du er gift eller ikkje på dei nye fødselsattestane heller." Då gav me opp!

Det var tydleg at dragen ikkje hadde nokon interesse av at me skulle få gifta oss. Heile denne prosessen hadde teke nesten 4! mnd, og eg var mildt sagt fortvila. Sidan eg kjende dei som jobba på kyrkjekontoret ringte eg ned og spurde om dei kune hjelpa oss. Dei var velvilligheten sjølv, og ba oss koma ned med dei papira med hadde. Me so gjorde, dei kikka på papira og sa: "Me kan ikkje sjå noko gale med desse papira. Me sender dei inn, og om ca ei veke vil de få svar. Ei veka seinare, ein fredag, ringer elefonen: "Hei, det er frå kyrkjekontoret. Papira dykkar er i orden, og det er ingen ting i vegen for at de kan gifta dykk." Jippi!!!! Kan me få det til neste fredag???? Ei litt forfjamsa stemme svarar at Prosten har fri i dag, og at ho må høyra om han er ledig. Mandag får me beskjed om at alt er i orden, me kan gifta oss fredag.

Me går rett til gullsmeden og bestiller ringar, og spør om dei kan ha dei klar til fredag, noko dei trur skal gå bra. Samme runde hos blomehandlaren, som ikkje kan skaffe Cala, men Marthaliljer hvis det er greit?" Jada, kva som helst berre me vert gift!!!!" Frisøren har ledig time, og lovar å gjere seg ekstra føre når eg forsiktig seier at eg skal gifta meg den dagen.....Prosten må snakka med biskopen sidan me ikkje ynskjer ein vanleg vigsel med forbøn, sidan me skal ta den delen neste år, berre sjølve vigsla. Dette har dei aldri gjordt før, men jammen er det i orden og. Lukke.

Snille svigerinno og mammo lurte på om dei ikkje kunne få laga eit lite selskap for oss, sidan me trass alt gifta oss den dagen. Dermed fekk me ein nydeleg seremoni i Stord kyrkje, med ein flott tale av Prosten, og eit flott selskap heime hos mine foreldre, med 19 gjester, og bryllupsmiddag med lammelår, fløytegratinerte poteter og bryllupskake. Ein fantastisk dag, og ein forsmak på den STORE dagen me skulle få 16.08.2003, men det er ein anna historie.

Til dragen har eg berre ein ting å seie: Me vart gift og er det fortsatt 7 år seinare,og beviset heng på kjøleskåpet. Ha!!!!!!

Dei tre midterste bileta er lånt frå Google

Hurra for meg!!!!

2009-10-03T10:51:00.001+02:00

Torsdag var det 1 år sidan eg la ut dette innlegget, og starta blogkarrieren. I løpet av dette året har eg blogga om stort og smått, og vorte "kjent" med mange koselege bloggarar. Dette synes eg fortener ei lita FEIRING:) Alle som legg att ein liten koseleg komentar til dette innlegget er med i trekninga om ein premie, og linkar du på sida di får du jammen meg to lodd i trekninga;)

Hovedpremien er dette:

Deileg bodyscrub med olivenolje og dødehavssalt, økologisk produsert, og berre med naturlege ingrediensar.Herleg å skjemme seg sjølv vekk med på sure haustdagar.

Dei som ikkje er fullt så heldige, må nøye seg med noko til bruk i huset.

Dette er er eit produkt som eg ikkje klarar meg utan. Ungane har kvar sin recliner i microfiberstoff, og dei sølar og grisar i desse stolane rett som det er. Eg sprayar med denne, ventar litt og vaskar med ei fukta microfiberfille, og stolane er gode som nye. Dersom uhellet skulle vera ute, og dei kastar opp i bilen, brukar eg denne på seta, og lukt og flekkar er ein saga blått. Det samme når det har vore uhell i senga. Sprayen er biologisk nedbrytbar, og vert anbefalt til å rense madrasser og anna, der ein har astma og allergi, då han inneheld microorganismar som fjernar husttøvmidden si avføring, som jo er det som utløyser allergien. To heldige vinnarar får denne i trøystepremie.

Premien vert trekt 1.november. I mellomtida kan de kvila augene på denne strålande blomen medan regnet ausar ned på utsida:)

Forferdeleg irriterande!!!!

2009-09-30T22:17:00.001+02:00

Då var me heima att etter at frk. dings har fått fjerna mandlane, og alt gjekk som ein draum:) Godt å ha det unnagjordt.

Gårsdagen vart altså tilbrakt på sykehuset, og lange sykehusdagar er eit ypperleg påskot til å anskaffe nye tilskot på bladfronten. Som de veit held eg på med å fornye ungane sine rom, og er på jakt etter gode idear heile tida, så då eg såg at Foreldre og Barn hadde eit interiørekstra om barnerom, kjøpte eg eit eksemplar.

Gjett om eg vart skuffa då eg oppdaga at interiørekstraet var ein blåkopi av dette bladet:

Bileta under skulle vera bevis nok. Det øverste bladet på bileta er Rom 1.2.3, og det nederste Foreldre og Barn

Ikkje mykje ny inspirasjon å henta der.........Rett og slett skikkeleg irriterande. Begge blada er gitt ut av Hjemmet Mortensen, så dei sparar både tid og pengar på å publisere artiklane i fleire av blada sine, men eg synes det hadde vore rettare og berre lagt ved bilaget frå Rom 1.2.3 som ein bonus, så hadde eg spart 69.-kr.

Jammen flaks at Narvesen har 25% på utenlandske blad, slik at eg kunne trøste meg med Drømhem & Tredgård;)

Ha ein fin kveld:0)

Overraskelse!!!!

2009-09-26T12:05:00.001+02:00

Ei veninne av meg fylte 30 i sommar. Ho har ikkje budd så lenge i norge, men har rukke å fått ein del gode vener her. Ho hadde planlagt å invitere til grillprty, men det vart ikkje noko av, og så vart det til at heile feiringa uteblei.

Eg hadde lyst til å gje ho noko spesielt til bursdagen, og enda opp med å invitera til overraskelsesselskap. Kjempekjekt!!!!! Alle bidrog med sitt, og hovedpersonen, som trudde ho skulle på besøk og hekle og sjå film, vart gledeleg overraska:)

Biletet er av bordet, og er det einaste eg har frå kvelden, for me hadde det så koseleg at eg gløymde å ta fleire;)

Me hadde kyllingsuppe, servert frå denne flotte terrinen, som mamma har malt til meg.

Ho har malt serveringsfat, potetskåler og sausenebb etter modell av middagservicet eg byrja å samla på som 17 åring;)

Utruleg kjekt å ha, og terrinen står til vanleg og pyntar opp på toppen av hylla i stova.

Ha ein flott dag:0)

Sjåååå!!!

2009-09-26T11:45:00.001+02:00

Koselege Duften av erteblomster har stort gåvedryss. Klikk her for å sjå alle som bidreg:)

Det tutlar på fram

2009-09-24T18:48:00.001+02:00

Slik såg kroken ut for nokre dagar sidan:

Og slik ser han ut no etter at svigerinna og eg har tapetisert og sett opp plater:

Sakte men sikkert tek det nye rommet form. I morgon skal eg kjøpa lister, og på laurdag skal det listast, hengast opp hyller og bilete.

Det skal verta kjekt å bli ferdig, og ikkje har det kosta så mykje heller. 1 rull tapet til 399.- og tapetlim. Platene hadde me ståande i garasjen. Dei har husbonden redda frå søppla, då malerbutikken skulle hiva dei pga at dei var skada i falsen, men me berre kutta vekk dei øydelagde delene og brukte resten. Hyller vart innkjøpt på IKEA i vår, og den eine kosta den nette sum av 49.- Eg reknar med at totalsummen på oppussinga, inkl nye sengklede, sengeteppe og hyller frå IKEA kjem på ca 1200.-

Neste oppdatering får verta når alt er ferdig:)

Ha ein fin kveld:0)

Framgong på prinsesserommet

2009-09-22T21:28:00.001+02:00

Joda, det går på fram. Senga er på plass, og prinsessa søv for første gong i den nye senga i natt. Det vil seie, ny er ho jo ikkje. Pappen kunne fortella meg at ho vart innkjøpt til min eldste bror, som fylte 50 i fjor, så det vil seie at senga faktisk er 51 år:) Alle me syskjen har sove i ho, så eg synes det er litt koseleg å ta ho i bruk til frk. dings. Ei prinsessekrone vart innkjøpt på Skeidar i dag, og vips vart det ei prinsesse seng. Sengeteppe er eit nydeleg vattert teppe frå Princess (hi,hi prinsesse på alle kantar), med roser på eine sida og rosa og grøne striper på den andre. Teppet vart kjøpt til halv pris i dag, og kosta den nette sum av 199.-. Veggen som skal få prinsessetapet og brystningspanel, har no fått "sparkel på rull" på plass, og er klar for prinsessetapeten i måro:)

Det ser ut som om me er i rute. Følg med for nye oppdateringar:)

Cobea Scandens

2009-09-20T00:12:00.001+02:00

I dette innlegget i fjor skreiv eg om denne planten. Eg hadde sådd frø, men var for seint ute, og rakk aldri å få planten i blom. I år derimot, har eg aliert meg med min snille gartneronkel, som sådde tidleg i drivhuset, og var sikker på at eg i år skulle få eit vell av blomar utover sommaren. Den gong ei. Denne plantem treng laaaaang tid på å kome i blom, men NO blømer den!!!!!!!!

Vakker er han i alle fall, heilt i frå knoppen, via alle fargenyansane blomen har frå knopp til utsprungen, og til slutt den nydelege frøstanden som vert att.

Dei store blålilla klokkene er reine kunstverka med vridde støvberarar.

Ingen tvil om at eg lyt prøva att til neste år, men då skal det såast i Januar;)

Perfekt fredagskveld

2009-09-19T00:07:00.001+02:00

Katten og eg har hatt ein deileg, roleg fredagskveld. Katten har sove seg gjennom kvelden og eg.......

......har kost meg med ein koseleg film, strikketøyet, sjokolade frå Paris og ein god kopp kaffi. Det einaste som manglar er husbonden, som er i Amsterdam, men det gjeld å kosa seg likevel;)

Strikketøyet er mitt nyaste prosjekt, og skal forhåpentlegvis verte ein tunika til frk. dings. Mitt problem er at eg som oftast er lei når eg manglar siste ermet, men denne har korte armar, så det er håp;)

Ha ei flott helg:0)

Ein sommar er over....

2009-09-17T21:45:00.001+02:00

..........men minnene består, men no er det tid for å bretta opp armane og ta fatt på innsida av huset att. I løpet av sommaren har eg vist tatt pause frå både blogging og interiør. Faktisk så til dei grader at eg har lurt på om eg måtte melde meg ut av NIB...., men no skal pipa få ein anna lyd.

Første mann til å nyte godt av fornya innsats på heimefronten er frøken dings. Rommet hennar har venta ei stund på fornying, og no har eg så smått byrja.

Punkt ein er å verta kvitt sprinkelsenga. No er det tid for å få "stor jente" seng. På garasjeloftet står skuvsenga eg, og søskena mine før meg, sov i då me var små. Diverse søskenborn har og brukt ho, og no er det altså frøken dings som skal sove i ho. Far i nabohuset skal lage ny botn, som skal hevast litt opp slik at det ikkje skal minna om babyseng i det heile. I tilleg skal litt Mc qeen dekor fjernast, men så håpar eg det berre er ein grundig vask som skal til før ho er fullt brukbar. Sommarfugllampen i taket er frå Ellos, og eg er kjempenøgd med han, så den får bli;)

I denne kroken har det intil for kort tid sidan stått eit digert klesskap. Sidan frk dings har meir bruk for leikeplass enn skapplass, er skapet forvist til boden, og denne kroken skal verta "kjøken krok". Tøtta har bestillt rosa prinsesse tema, men sidan ho mor synes det kan verta litt vela mykje rosa, får dei fleste veggene behalda den fargen dei har, medan kroken skal få eggekvit brystningspanel, og "fondveggen" ein lys rosa prinsessetapet over brystningspanelen. Bilete til veggene står ferdig innramma på boden, og berre ventar på å få koma på plass, og hyller står klare og ventar på å verta skrudd opp. I morgon skal eg henta tapeten, og då er det ingen unskuldning for å ikkje koma igang.

Då er det berre å håpa at dette vert uttrykket til frk dings når alt er ferdig. Prinsessa skal fjerna mandlane 29. september, og målet er å verta ferdig før det. Eg treng lit press for å verta ferdig med ting, så no får de etterlyse bilete av det ferdige rommet om dei ikkje dukkar opp snart;) Eg må jo vise rommet litt meir presentabelt enn på dagens ublogifiserte bilete.

Då skal eg prøve å få lagt att litt spor etter meg i bloglandia.

Ha ein flott kveld:)

Skal, skal ikke....

2009-09-14T13:43:00.001+02:00

Bilete frå Google

Skal, skal ikke, skal skal ikke, valget det er ditt. Skal, skal ikke, skal skal ikke, valget det er mitt. Valget er et enten eller, valget må du ta, valgene i livet teller for å ha det bra. Ivar Skippervold

Av og til er det små val om kva som skal inn eller ut av interiør i heimen, og av og til er det større og viktigare ting det gjeld. No har eg vore og gjordt borgerplikta mi. Godt val alle samen:)

Siste trend frå Paris!

2009-09-09T14:28:00.001+02:00

Alle veit at skal ei kunne kalle seg moderene, så må ein fylgja med på dei siste trendane frå Paris. Venninna mi og eg brukte ein heil formiddag på marked i Paris, og der kunne me observera det som MÅ vera den neste trenden frå motemetropolen : Trillebag!

ALLE (nesten i alle fall) hadde trillebag, anten dei var unge eller eldre. Her i Norge er det jo slik at det er GAMLE DAMER som har trillebag. Kjem ein ruslande med ein snaisen liten trillebag, er ein anten 70, eller rimeleg likegyldig til trendar. I Paris var det heller omvendt. Det fanst ein trillebag for ein kvar smak.

Den eldre herren på biletet ovanfor har valgt ein tradisjonell skotskrutete variant som kan kombinerast med dei fleste antrekk.

Her er ein afrikansk inspirert trillebag for den meir bereiste.

Ein einsfarga marineblå, for den som ikkje likar å skilje seg ut for mykje.

I motsetning til denne raude som skrik: Sjå på meg!!!

Eller kva med ein liten frekk sak i lakk?

Diverre rakk eg ikkje å ta bilete av den ultimate interiørblogger trillebagen då den trilla forbi: Grå med kvite polkadottar!!!! Kan det vera eit nytt produkt frå Greengate?????

Eit lite søk på nettet bekreftar at trillebag gjev ein uante mulighetar. Kva med ein til å kjøre hunden i?

Bilete frå Google

Eller sjekk ut varianten med krakk!! Tenk å kunne sette seg ned og kvile på veg mellom IKEA, Home ad cottage, kremmerhuset og alle dei andre interiørbutikkane!!!!! I tillegg kan ein putte alle inkjøpa ned i bagen, i staden for å dra på tunge posar!!! Genialt!! Så flatpakka som ting kjem på IKEA kan ein sikkert få plass tilein komode eller to nedi trillebagen. Miljøvenleg er det og. Ingen plastikkposar, og bil treng ein jo ikkje når innkjøpa går på jul! Er du kreativ, og det er jo dei fleste bloggedamer, kan du jo sy ein sjølv, muligens av gamle dongeribusker eller noko liknande, gjenbruk er jo bra også vert bagen enno meir miljøbenleg og personleg:)

Det er rett og slett ikkje noko å lura på: Vil du vera først ut med det siste er det berre til å springa avgarde og kjøpa trillebag. Lukke til med modellvalget:)

Hmmmmmmm…..

2009-09-04T22:07:00.001+02:00

Då har eg parkert med PC`n på fanget klar for litt fredagsblogging, for ein gongs skuld med godt samvet. Eg har nemleg byrja eit nytt og betre liv, og tilbragte 50 min svettande på spinnigsykkelen, noko som kjennes utruleg godt. Eg har i ein periode tidlegare gått jamnleg på spinning, og synes det var kjempekjekt. At reultatet var ein lettare og stramare kropp var sjølvsagt ikkje til å forakta. Sidan det no er over 1 år sidan sist, har ting skjedd. Plutseleg gjekk ikkje bukseknappen att, og oppoverbakkane vart frykteleg tunge. Dette kan sjølvsagt og ha ein viss samanheng med at sommarferien har innehold ein heil del god mat, inntatt med Ole Brumm haldninga, ja takk – begge deler……Dermed har eg altså på nytt funne fram den utruleg sexy sykkelbuksa, med ekstra padding på min edle bakdel, og hengt lapp på kjøleskapet med spinnig mandag , onsdag og fredag…………..

Eg hugsar forresten fyrste spinningtimen eg var på. Etter å ha vore fråverande frå alt som minna om trening i årevis, lokka ei venninne meg med på 60 min spinning!!!! 20 min ut i timen var låra gele og tunga hang som eit slips, medan eg meir eller mindre hang hvesande over sykkelstyret. Kvar gong me skulle stå var eg lukkeleg fordi baken verka som besatt når eg nerma meg sykkelsetet, medan eg samstundes kjende korleis låra dirra og tenkte eg aldri ville klara å stå i 10 sekundar til. Det utrulege var at eg faktisk likte det!!!!!!!!!!!!!!!!!!!! Eg som aldri har likt kondisjonstrening, og synes toppen på lukke er ei god bok i ein god stol med sjokolade og kaffi innan rekkevidde.

Men, no har eg insett det: som sjokoholiker MÅ eg ut av godstolen av og til, ellers vil eg til slutt sitte fast nedi der. Altså, frå no av er eg å treffe på treningssenteret 3 gongar i veka. Onsdag inkluderar eg 30 min styrke. Denne veka var fyrste gongen, og instruktøren var glad for å sjå meg att sa ho. Dette feira ho med å legge på litt ekstra vekt på maskina mi – eg måtte jo kjenna det sa ho. Det skal eg lova at eg har gjordt. I dagmorges vakna eg kl 06.00, og fekk ikkje sove att pga gongsperr i armane. Det var faktisk berre så vidt eg klarte å lette armen opp i skapet etter Paraceten slik at eg skulle orke å gå på spinning…….Ja,ja, ein må lide for skjønnheten seier alltid mor mi, og øm i rumpa, og støl i bein og armar må eg sei meg enig;)

God helg. Eg har alt feira med litt Belgisk sjokoladeis. Eg har jo trimma ,så då kan eg jo unna meg litt helgegodt – eller………

Bileta har eg leita opp på google.

Eit lite glimt………

2009-09-03T13:45:00.001+02:00

……..av Paris..

Eg trur rett og slett eg er litt forelska. Eg har prøvd å lage eit innlegg frå Paris, men går liksom tom for ord..

Slike gater og bygningar fann me over alt. Så vakkert rett og slett.

Difor vert det nokre biletglimt frå Paris, og heller lite tekst. Drøym deg vekk til smale, gamle gater, smijernsbalkongar og CafeÒle.

Sjarmerande gatemusikantar

Kaker av ei anna verd. Mmmmmmmmmm..

………spist på bredden av Seinen….

Og sjølvsagt Eifeltårnet.

Fortrinsvis “By nigth”……

Sett frå sykkelsetet;) Bysyklar i Paris er genialt!!

Underteikna og to ukjende damer framom kjenneteiknet på Paris kl 01.00;)

Kvardagen med sjuke ungar, husvask og klesvask kom nesten litt som eit sjokk då eg kom heim att, og blogginga datt heilt ut i kvardagsslitet;)

Men no har eg tatt fram bileta, og kosar meg med alle dei gode minna, og kan berre sei; Paris - Je`taime.

Je taime Paris

2009-08-23T12:02:00.001+02:00

Frukost pá kafé

2009-08-22T10:33:00.001+02:00

I gár rakk me 3 kafear etter ankomst...Kva vert resultatet i dag? Planen er á leige sykkel, handle pá marked og ha piknik i Jardin d Luxenbourg. Her er d nemleg sommar:)

Undervegs

2009-08-20T22:09:00.001+02:00

Kan du gjette kvar eg er pá veg? 4 dagar pá husmorferie saman med ei god venninne. Herleg:)

Heilt ufortent

2009-08-17T22:05:00.001+02:00

Dei fleste av innbyggarane i bloglandia surfar stadig innom nye bekjentskap. Eg er ikkje noko untak, og ein kveld ramla eg innom bloggen til Lykkelitens boble, eit hyggeleg bekjentskap såg det ut til å vera, og heilt fersk i bloglandia, så eg la att ein liten velkommen komentar. Ei stund seinare ramla det inn ein koseleg komentar hos meg, med melding om at ho vile gje meg ei sommargåve sidan eg hadde vore den første til å legge att komentar. Dermed kom denne koselege gåva ramlande ned i postkassa for ei lita stund sidan:

Spennande kaffiposar, ein nydeleg engel og koselege serviettar. Berre fordi eg hadde lagt att ein komentar hos ein koseleg blogg!!!! Rett og slett heilt ufortent!!

Tuuusen takk!!!!! Kjempekoseleg og eit gløtt av sol i ein heller regnfull sommar.

Ha ei flott veke:0)

Magisk......

2009-08-12T12:20:00.001+02:00

Me var ikkje så reint få som hadde tatt turen til Moster Amfi og Miss Saigon i går. Her står me i kø i påvente av at dørene opnar. I Amfiet er det ikkje numererte plassar, så det gjeld å vera ute i god tid, så ein kan få ein god plass.

Men når alle er vel inne, og me har "tokka" oss litt, så det ikkje er så "grese" i benkene, og alle har fått plass, då er det berre å nyyyyyyyyta den unike opplevinga det er å vera på musical i Moster Amfi.

Bømlo musicallaug har sett opp fleire kjende musicalar dei siste åra, og dei har vorte profesjonelle i det dei gjer, og har og med seg profesjonelle songarar og musikarar, saman med amatørar. Resultatet er heilt fantastisk!

Det var film og fotoforbud, men eg sneik meg til eit par bilete under forestillinga. Ei av fordelene med godt kamera er at blits ikkje er eit must;) No skal det seiast at eg er særs lovlydig, og eg kjende meg som reine forbrytaren, og hadde rimeleg høg puls då eg knipsa. Eg var sikker på at eg skulle kjenne ei tung hand på skuldera med beskjed om å slette bileta umiddelbart! Men det gjekk bra, og eg ber herved audmjukt om tilgjeving, men det er noko med at det er lettare å få tilgivelse enn tilatelse.....................

Miss Saigon i Moster Amfi var ei fantastisk oppleving, og har du mulighet til å reise dit bør du sjå om det finst billettar att. Eg har sett musicalen i London og, men dette var minst like bra, og stemninga når mørkret senkar seg og månen kjem opp over amfiet er magisk. Musicalen går t.o.m sundag, så løp og kjøp!!!!

Ordliste: "Tokka" - ake seg nærare kvarandre. "Grese" - god plass.

Topplogo Miss Saigon er lånt frå Bømlo musicallaug. Klikk på biletet så kjem du til heimesida deira.

Seinsommeridyll

2009-08-10T23:27:00.002+02:00

Torsdag kveld hadde gradestokken enno ikkje gått under 20 grader kl 22.00, dermed tende eg lyktene mine, og gjorde meg klar for blogging frå favorittstaden min: verandaen.

Me har ein STOR hage, som ikkje har fått særleg mykje omsorg i sommar, så eg kosar meg på verandaen i staden. Der blømer det nemleg som berre det.

Når alle lyktene var tende og årets siste(?) jordbær sett på bordet, fann eg ut at eg skulle invitere svigerinno på is og jordbær. Dermed vart det ikkje blogging, men småprat og is til langt ut i dei små timar i staden.

Sidan datamaskina gjekk til streik, fekk eg ikkje blogga seinare heller,( eller besøkt alle koselege blogvenene mine) men no er alt i orden att;)

I morgon melder dei nydeleg ver, og eg skal på musicalen Miss Saigon på norges vakraste utescene : Moster amfi, i morgon kveld. August er ikkje så verst lell;)

Kyss

2009-08-02T23:01:00.001+02:00

KYSS

- er en ting å dele - noe for to
Kyss er gratis - som fuglesang og pludrende bekker.
Men:
- kyss kan ikke settes i banken og forrente seg som hundrelapper,
eller
- gjemmes i skuffer og skap til seinere anledninger,
eller
- sendes i lukkete konvolutter over åpent hav og høye fjellkjeder
for eksempel.
Kyss kan bare kysses - her og nå. Og ikke bokføres og lagres.
Derfor sier jeg:
Kyss!
KYSS! Arild Nykvist

Nytt familiemedlem

2009-07-29T22:42:00.002+02:00

.....men denne gongen på 4 bein.

Puserus, som storebror bombastisk har vedtatt at katten skal heita, har intatt heimen og er konge på haugen. Sjølv husbonden som høglytt har erklært at kattar ikkje er hans greie, må innrøma at ho er svært så sjarmerande;)

Aye,aye kaptein

2009-07-22T11:51:00.001+02:00

Ein strálande fornögd storebror kjörer páhengs áleine for fyrste gong, medan ei noko forblást mamma er pasasjer. Dagens fangst: 11 krabbar, torsk, lyr, flyndre og diverse andre fiskar. Mmmm.

Hurra for deg.....

2009-07-19T23:16:00.001+02:00

Fröken dings med fjeset fullt av muffins etter ein vellukka 3 árs dag.

Kveldsstemning

2009-07-17T21:43:00.001+02:00

Speilblanj fjord, klukking langs brygga og ein og anna máke,...sommar....

Retting, retting, retting!!

2009-07-15T11:06:00.001+02:00

Hugs 1pk gjær til pitabröd-deigen. (Rödme,rödme...)

Meir ferie

2009-07-14T12:17:00.001+02:00

I dag set me kursen for hytta og det som for meg er sommarferie med stor S. Fiske med garn og teiner, fange krabbe og småfisk i fjøra, og forhåpentlegvis sol, bading og kos i solveggen nerfor huset

Det kvite huset midt på biletet er vårt paradis, og eit stykke neranfor ligg naustet og stranda)

Så ei stund framover vert det mobilblog som gjeld;)

Om nokre uærlege sjeler kikkar innom og tenker at dei no skal beøka eit tomt hus heima, må eg skuffa dykk. Husbonden er heima og passar på, då han må jobba litt;)

Ha ein flott dag.

Man tager to ægg.....

2009-07-13T10:05:00.001+02:00

.......eller nei, det gjer ein ikkje dersom ein skal bake pitabrød;) Nokre av dykk etterlyste oppskrift på pitabrøda eg viste i eit tidlegare innlegg, og eg måtte tilstå at det ikkje er eg som er bakemester. Det er nemleg husbonden og svigerinno som står for pitabakinga, og sidan husbonden bakar i STORE kvanta, og svigerinno er på ferie, tok det litt tid, men her kjem oppskrifta:) Har fått ho pr telefon, og no må eg skunda meg å leggja ho ut før eg rotar vekk konvolutten ho er skriven på;)

PITABRØD

3dl vatn 3dl melk 2ts salt 2ss sukker. Bland melk og vatn, og rør inn nok kveitemjøl til ein litt fast deig. Bland inn salt og sukker undervegs. Sett deiegn til heving i ca 1 time. Del deigen opp i emner og trill ut litt stor boller. Lat stå ei lita stund. Kjevle bollene ut til runde "pannekaker". Dersom deigen trekkjer seg saman, og er vonde og kjevle ut, lat bollerne stå litt til. Steik på brett midt i ovnen, på 250 grader i 7 - 9 min. PASS PÅ!!!! Det tar sekunder frå gylne lekre pitabrød, til brente ikkje fullt så lekre pitabrød;) Fyll pitabrøda med det du måtte ynskje, eller et dei som tilbehør til grillmat:)

BON APPETITT

Den som sover....

2009-07-12T21:14:00.007+02:00

Det vart svært så stilt då me besøkte tante mimmi i ettermiddag. Denne gjengen hadde forskansa seg i leikehytta:)

Kongeleg besøk

2009-07-10T22:30:00.003+02:00

Vakre Dronning Ingrid har endeleg kome til verandaen min.

Ein blom til deg

2009-07-09T22:55:00.001+02:00

Ei av mine beste venninner fortener litt ekstra oppmerksomhet i ei tøff tid. Då er det kjekt å gå på besøk med blomar, eit interiørblad, og gooood sjokolade i korga.

Mange varme klemmar til deg. Tenker på deg, og gler meg til neste gong me treffest:)

I mellomtida nyt eg sommarnatta, og håpar det vert mange kveldar på verandaen.

Det enkle er ofte det beste

2009-07-08T22:46:00.001+02:00

Her er storebror og frk dings på veg til Mallorca. Ei pappeske byr på uante muligheter...........

Utstilling!

2009-07-07T12:31:00.008+02:00

Tante Mimmi har utstilling på Bruncheriet på Stord. Nyt kaffi og flott kunst på ein gong:-)

Og der dukka alle innlegga, som eg ikkje fekk lasta opp, på Mallorca opp og..........

Feriesysler

2009-07-07T12:31:00.007+02:00

Når sola gøymer seg bak ei sky, er det kjekt m minigolf;-)

FerieB-)

2009-07-07T12:30:00.003+02:00

Tid for kos på balkongen medan dei små søv ut etter ein heil dag med bading.

Kvardagskunst

2009-07-05T00:46:00.001+02:00

Når me grillar på hytta er nybakte pitabrød sjølvsagt tilbehør. Grillmat fekk nemleg ei litt anna tyding då eg gifta meg med ein araber..........Hamburger og pølser er ut, og marinert kylling, svine eller lammefilet, koteletter og salatar høyrer med.

Denne dagen var me mange, og til og med kjøkenbordet vart bore ut for å vera ein del av langbordet. Då dukka dette nydelege stillebenet opp. Nybakte pitabrød i eit gamalt keramikkfat, bada i kveldsol oppå ein gamal spisestovestol. Vakkert.

Fint vart bordet ute og, sjølv om me måtte ty til lilla plasttallerknar. I det minste matcha dei syrinblomane;)

Måtte dette vera den første av maaaaaange grillkveldar på hytta i sommar:)

Hola!

2009-07-03T23:03:00.001+02:00

Då var me attende etter 14 herlege dagar på Mallorca. Store og små har kost seg, slikka sol, bada og hatt Ferie med stor F!

Men eg må tilstå at me fann ut at me ikkje var typen til å liggja rett ut i sola i 14 dagar utan anna å gjera å gå mellom bassenget, stranda, matsalen og romet. Dermed enda me opp med å leiga bil og kjøyra til Palma to dagar i løpet av dei to vekene me var der Me besøkte Marinland ein dag og Palma akvarium ein dag, og sistnemde kan anbefalast på det varmaste!!!! Her er nokre små glimt derifrå. Er du i nærleiken så ta turen innom!!!!

Men det var godt å koma heim att og. Her er jo reine sydenstemninga, og me har vore på stranda og testa badetemperaturen, som var like god som Middelhavet. I dag tilbrakte me ettermiddagen på sjøen saman med mor og far i nabohuset. Deilig når naboen kan tilby båttur i varmen:) Når ein kan stå på dekk og fiske i bikini klokka 20.30, då er det verkeleg sommar, og like flott som syden:)

No gler eg meg til å få oppdatert meg i blogverda, og forhåpentlegvis få lagt att ein komentar eller to.

Hello Kitty!!!! Goodbye Norway...........

2009-06-15T11:52:00.001+02:00

No har det vore stille leeeenge på bloggen min. Ein aldri så liten blogtørke rett og slett. Veka har vore travel, mannen vekkreist og eg har lekt vertskap for litt familie frå Amerika. Altså ikkje tid for blog. Det heile toppa seg i helga med bla 20 års "jubileum" for klassen frå barneskulen på laurdag. Ein utruleg koseleg kveld, som ildsjelene som stod bak fortener ein STOOOOOOOOR takk for. Eg håpar at det ikkje vert 10 år til neste samling. Eg kan stille med Hello Kitty kake til dessert, og stå for kaffikoking, hi,hi;) Sundagen gjekk nemleg med til kakebaking til niesa mi på 7, sin bursdag.

Her er kaka som eg rett og slett er litt stolt av . Eg er ikkje nokon bakemester når det gjeld sukkerbrød, men jammen fekk eg det til. Kaka er laga av to store sukkerbrødbotnar, ein firkanta og ein rund, som eg rett og slett skar til for hand. Så fylte eg kaka med vaniljekrem og ferske jordbær, la på marsipanlokk og laga melis icing av eggekvite, sitron og melis som eg piska. Eg likar enkle løysingar, og syntes eg gjorde eit kupp då eg fann jordbærmelis! Ferdig rosa og med god smak, hurra!!! Kaka vart knallgod, og bursdagsbarnet som hadde jentene i klassen på besøk var stråland nøgd:0) No har eg lova frøken dings ei Hello Kitty kake til bursdagen, som er like om hjørnet.

Sidan me har lyst på fleire dagar som den på biletet over, der me bada heile dagen, set me oss på flyet til Mallorca i morgon. 14 dagar med sol og bad, og laaaaangt vekke frå irriterande telefonar frå mannen sin jobb, juhu!!! No håpar eg berre at det skal plinga på telefonen slik at eg kan henta pakken frå H&M, som skulle vore levert i forrige vekke. Ellers må eg ut å kjøpe Hello Kitty badedrakt og ei McQueen badebukse asap!!! I så tilfelle kan eg legge ut for sal 1 stk sommergarderobe for jente str 98 og gut str110, når me kjem heim............

Då håpar eg de får fint ver her oppe i nord, og så skal eg prøve meg på litt mobilblogging frå Mallorca;) Beklagar at eg ikkje får lagt att komentarar til alle dykk gode blogvener før eg fer, men koffertane ropar.Det er nemleg avreise til Stavanger i kveld då flyet lettar 07.00 i morgon tidleg. Klem frå meg:0)

Nett rot

2009-06-05T12:18:00.001+02:00

Eg er blandt dei som synes at det er ein kjempeflott ting å bruka handlenett i staden for plastikkposar når eg er ute å handlar. Eg har fleire gode variantar i hus. Eit par store svarte frå Coop kjeden, eit stort raudt med påskrifta "Store poser lønner seg" , frå Ica Maxi, (Er litt usikker på om store posar på Ica Maxi lønar seg for meg eller Ica Maxi...........) og eit par mindre stoff nett frå Sykepleierforbundet, Norwex og andre kjekke aktørar. Desse netta har god plass, og rivnar ikkje for den minste ting i tillegg til at dei er miljøvenlege:0) Med andre ord er handlenett tingen.

Det er berre eit problem: Eg må hugsa å ta dei med meg når eg handlar!!!!!!!!!!!!!!!!!!!!!!!!!! Legg dei i bilen tenkjer du no. Jada, eg har lagt dei i bilen, og der ligg dei fortsatt når eg står i kassen og skal betala!!! Eg kan jo sjølvsagt kjøpa eit nytt handlenett, som heng attmed kassen, i staden for å kjøpa ein pose, men eg er litt usikker på om det er miljøvenleg å ha ørten handlenett liggande? Dersom alle skal ha så mange handlenett vert det vel ein del utslepp og andre rare ting når dei vert produsert?

Eg trur nemleg det er fleire enn meg som slit med dette problemet. Dyrt vert det og i lengden om ein skal halde på å kjøpe handlenett. Dermed endar eg rett som det er opp med å ta ein pose i staden, men helst ein av det (litt) miljøvenlege slaget dersom det er mogleg. Ein kan sjølvsagt sy handlenett sjølv, og bruke gamle tekstilar om att. Meir meiljøvenleg enn det går det vel ikkje an å verta, men med den tida det tar meg å sy noko som helst, har eg kjøpt maaaaaaaaange posar før eg kan putte ting i eigenprodusert handlenett.

No lurar eg på om det er mogleg å lage ein slags oppbevaringsstad for handlenett på butikkane? Dei gongene ein hugsar å ta med seg handlenett kan ein ta med seg mange og legge i haugen, og så kan ein forsyne seg der når ein gløymer å ta med seg handlenetta inn. Eller kanskje butikkane kan lage ørsmå oppbevaringsboksar, med plass til godt samanrulla handlenett, så kan ein leige seg ein slik boks til alle handlenetta, og hente dei der når ein handlar. Einaste problemet då er at ein må hugse nøkkelen......................

Har du eit godt forslag til korleis eg kan løysa problemet, vert det tatt i mot med takk.

Ha ein flott dag, eg skal ta med meg handlenetta på helgehandel;)

Alle bilete er henta frå Google. Trykk på bileta så kjem du til sida du der bilete er henta;)

Valgets kval

2009-06-03T18:14:00.001+02:00

Kva me skulle gjera i ferien har lenge vore uvisst. Husbonden vil til syden, sol og varme, storebror vil til Danmark med Randres regnskog og Legoland, slik som i fjor, og ho mor veit rett og slett ikkje kva ho vil. Frøken dings har foreløpig ikkje stemmerett;)

Etter mykje om og menn og att og fram har eg plutseleg fått det for meg at me skal til Mallorca. 14 dagar med sol og varme høyrest fantastisk ut, og Mallorca ligg ikkje meir enn 3 timar og 20 min vekke med fly. Eit særs viktig poeng ettersom eg ikkje likar og fly, og dei siste flyturane stort sett har inkludert minst eit sjukt familiemedlem - meg.........Dermed byrja prosessen med å tråla tilgjengelege reisemål på Mallorca etter det ultimate hotellet. I den samanheng er bilete viktig. Og her var det eg gjorde mi oppdaging - reiseoperatørane føl trenden, og let flinke interiørstylistar og fotografar presentere hotellet og omgjevnadane. Ikkje nødvendigvis særleg vellukka!!!!!!!! Bileta er fine, men eg vert jo ikkje særleg klokare. Berre sjå her:

Det er tydeleg at badet er heilt tipp topp. Her går det an å henge opp bikinien inni dusjen (eg antar at det er dusjen me ser) og på vasken er det plass til toalettveska og tannglas. Det står ikkje noko i tilbodet om toalettveske og bikini allereie er på plass når me kjem, men eg trur eg vel å ta med min eigen for sikkerhetsskuld.

Trappa er jo berre lekker, spesielt med dei fine blanke sandalane med blå såler som matcher trappa. Berre so dumt at eg ikkje har slike sandalar, og mine svarte vil vel ikkje ha same effekten.....

Eg er i alle fall glad for at dørene tydelegvis kan låsast. Då kan me sova trygt inne på rommet, der det i alle fall er plass til storebror si eventuelle dinosaursamling.

Det nederste bilete er med, då eg gjerne bur på eit hotell med slik service.....

Då er det berre å velgje seg ut eit hotell, og håpe at romma faktisk liknar på noko av det turopperatøren har prøvd å gje oss eit bilete av;)

Heldigvis finst det skikkelege bilete og;) Me landa på dette hotellet

sjølv om eg ikkje veit om det er plass til toalettveska på vasken, bikinien i dusjen, om sandalane mine matchar trappa eller om døra kan låsast.........................Hvis alt går som me vil reiser me om ca 14 dagar, juhu:0)

Alle bilete er lånt frå Ving sin katalog.

Kveldskos på hytta.

2009-05-31T22:15:00.001+02:00

Ein deilig avsluttning på ein perfekt dag. Sol, sommar, grilling og årets første bad. Kan ein ha det betre?

I morgon, i morgon.............

2009-05-28T14:00:00.001+02:00

...............men ikkje i dag, nei i dag, nei i dag gjer eg ikkje det slag. I dag vil eg liggja på ryggjen å sjå, på Lerka so svinga seg høgt i det blå. Stanley Jacobsen

I grunnen har denne veka vore nett slik. Eg får ikkje gordt "det slag". Har sjølvsag gjordt ein del naudsynte ting som klesvask, golvvask og vasking av bad, men ellers så har eg berre drive dank.

Men litt deilig er det jo med slike dagar. Rein luksus i grunnen å kunne una seg å "sitja på baken å sjå, på bloggar so fine og koslege så" Fritt etter Stanley Jacobsen

I morgon reise me til hytta att. Værmeldinga lovar sol,sol,sol, og eg har svidd av svimlande 650,- kr på solkremar til oss alle. I tillegg har frøken dings og storebror fått nye sandalar. Jammen er det dyrt å byrja på sommaren;)

Denne koselege karen passar på i steinbedet vårt på hytta. Eg har same blå plante i eit steinbed her heime, og synes den intense fargen er absolutt fantastisk, men eg har gløymt namnet. Nokon som veit????? Alle bileta i dette innlegget er tatt i hagen på hytta. 2 mål tomt fører til litt hagearbeid, men det synes eg berre er kjekt. Drøymer om masse gammeldagse stauder og roser, slik at hagen stort sett tek vare på seg sjølv i framtida.

Dette bedet er på veg til å verte nettopp slik. No blømer Orientvalmue, og ein gul/oransj valmue som eg ikkje hugsar namnet på, så overtar blå Iris og ei nydeleg raudoransj daglilje, før Breiskolm (erteblomst staude utan lukt) kjem i blomst utover sommaren.(Den klatrar på den heller provisoriske nettingen....) Her håpar eg å få på plass fleire stauder etterkvart, slik at me kan plukke inn litt. Ridderspore, Kjempeklokke og prestekrage står høgt på ynskjelista.

Tusen takk for alle koselege helsingar, skal prøve å legge inn nokre spor etter meg rundt forbi før eg tek helg i morgon:) No får eg prøve å gjere litt i alle fall........

Så får knoppen til Orientvalmuen ynskje dykk alle god helg:)

Nærbilete frå hytta

2009-05-26T14:15:00.001+02:00

Denne gongen vert det nokre nærbilete av interiøret. Denne symaskina fekk bestemor for maaaaaaaaange år sidan, og er stadig fullt brukbar. Eg synes den er absolutt nydeleg, og no når hytta vart oppussa fekk symaskina kome fram i lyset, og pynte opp i stova.

Bordet som symaskina står på, er bestemor og bestefar sitt nattbord. Skuffa har ein liten porselensknott. Bordet treng litt oppussing, men det har har i nabohuset lova at han skal hjelpe oss med;)

Denne skjenken har og kome til heider og verdighet att etter oppussinga. Den fekk mor og far i nabohuset frå dødsbuet til ein skipsreiar ein gong på 60 talet. Då mangla plata oppå ein bit, og ryggen sat difor ikkje fast. Far i nabohuset fiksa plata og fekk ryggen på plass. Den gongen var skjenken mørkbeisa, men sidan dei fiksa han opp vart det fargeforskjell på den nye biten og resten, dermed vart skjenken kvitmalt:0)

Til slutt ein kikk inn i det nye soverommet i kjellaren. Eg har diverre ikkje før bilete, men her var det rett og slett ein råkjellar med sementgolv og murvegger, og eit lite vindauga som ikkje kunne opnast. No er det lyst og sommarleg og nesten klart til innflytting - manglar berre elektrisitet;)

Då må de ha ein flott dag vidare, så får me sjå kva som vert foreviga på hytta til helga. Eg skal i allefall ta før bilete av resten av kjellaren;) Klem:0)

Ein smak av sommar

2009-05-25T12:41:00.001+02:00

Her er eit lite glimt av livet på hytta i helga. Den vesle lekehytta vart bygd til syster mi midt på 60 talet, og eg har veldig lyst til å pusse opp litt i sommar...............

Eg lovde nokre interiørglimt, men det vert neste innlegg. No må eg til å gjera litt. Eg har nemleg "sløst" vekk formiddagen min her:

Eg har gleda meg slik til å nyyyyte den fine uteplassen min, og i dag var været på mi side;) Eg lovar å stikke innom til dykk alle i løpet av morgondagen, no ropar klesvasken, vaskinga og middagen........Ha ein flott dag vidare:0)

Langhelg:0)

2009-05-20T15:09:00.001+02:00

Då var bilen pakka og klar (nesten) til hyttetur.

Som de ser er det mest vesentlege med, hi,hi. Har vore innom plantasjen og kjøpt Spanske margerittar, og ein heil del stauder til beda. Me har nemleg to laaaange bed som går opp mot huset, og no treng dei påfyll. Biletet skal opp på det nye kjøkenet, og lykta skal lyse opp ute på bordet i lange, varme somarnetter;)

Då ynskjer førken dings og storebror alle ei flott langhelg:) Me sjåast på sundag - kanskje med ferske interiørbilete frå hytta...

Pauseinnslag;)

2009-05-19T14:02:00.001+02:00

Brått vart det visst ein liten bloggepause. Mannen reisete til Athen i jobbsamanheng, og vart vekke til natt til 17.mai. Då måtte ho mor trø til for å få alt i orden til feiringa, så blogging rakk eg rett og slett ikkje. Men no er alt i gjenge att - nesten........

Storebror er heime frå barnehagen i dag, med feber og vondt i magen. Dermed vert det ikkje mykje eigen tid for ho mor, men etter å ha lese diverse bøker, og spelt "Se hva jeg kan" - og tapt for 4 åringen, er eg no innvilga ein liten pause, medan Sauen Shawn underheld srotebror. Då nyttar eg høve til å bla i nye blad, og innta litt vitaminer;

Jordbær, banan og appelsin smothie/milkshake. Ferske jordbær, nypressa appelsin, ei halv banan, litt skumma melk, og litt vanilje lettis toppa med ein dæsj kanel - mmmmmmmm.

Eg kan ellers nemna at 17.mai vart feira som seg hør og bør. Bunaden passa med litt hjelp av dei tidlegare nemde damene, men det var god å få han av og putta beina i vatn då dagen var omme;)